Ya Ilahi Baraye Aal-e-Rasool – Naat Lyrics in اردو (Urdu)

یا الہیٰ برائے آلِ رسول

دل میں بھر دے ولائے آلِ رسول

سوکھے دھانوں پہ بھی برس جائے

ابرِ جود و سخائے آلِ رسول

سر سے قربان تجھ پہ آنکھوں سے

آنکھیں سر سے فدائے آلِ رسول

سَحَق نعلین رگڑا آنکھوں کا

طوطیا خاک پائے آلِ رسول

میری بگڑی بنی ہے تیرے ہاتھ

تو ہی بگڑی بنائے آلِ رسول

تجھ سے جس کو ملا ملے پیارے

تجھ سے جو پائے پائے آلِ رسول

تیزیِ مہرِ حشر کا کیا خوف

میں ہوں زیرِ لوائے آلِ رسول

بادشاہ ہیں گدا ترے در کے

ہوں گدائے گدائے آلِ رسول

تاج والوں کا تاجِ عزت ہے

گہنہ نعلین پائے آلِ رسول

ٹھنڈی ٹھنڈی نسیمِ ماہرہ

دل کی کلیاں کھلائے آلِ رسول

بھینی بھینی سی مشکِ خوشبو سے

دل کی کلیاں بسائے آلِ رسول

طیبہ طیبہ میں ہیں بسی گلیاں

مہکی گلگوں قبائے آلِ رسول

بھولے بھٹکوں کا نصر ہی تو ہے

راستہ پر لگائے آلِ رسول

سبز گنبد پہ اُڑ کے جا بیٹھوں

شوق کے پر لگائے آلِ رسول

خاک میری اُڑے جو بعدِ فنا

مدنی ہو ہوائے آلِ رسول

اب تو گدیہ گروں کی چاندی ہے

ہیں کھڑے سگہائے آلِ رسول

خم سے آسن جمائے در پہ گدا

کوئی پیالہ پلائے آلِ رسول