Phir junoon kehta hai khud ko pabajolan dekhiye – Naat Lyrics in اردو (Urdu)

پھر جنوں کہتا ہے خود کو پابجولاں دیکھئے

چلیے اُٹھیے اب کے پھر وحشت میں زنداں دیکھئے

اپنے ہی سینہ میں کیجے اپنے دلبر کی تلاش

مضر میں کیا جائے کیا چاہِ گُناں دیکھئے

اَز رہِ بندہ نوازی چشمِ پُر انوار سے

دیکھئے میری طرف خَتمِ رُسولاں دیکھئے

دیکھئے سیمائے انور دیکھئے رُخ کی بہار

مہرِ تاباں دیکھئے ماہِ درخشاں دیکھئے

دیکھئے وہ عارض اور وہ زُلفِ مُشکیں دیکھئے

صُبحِ روشن دیکھئے شامِ غریباں دیکھئے

جلوہ فرما ہیں جبینِ پاک میں آیاتِ حق

مُصحفِ رُخ دیکھئے تفسیرِ قرآں دیکھئے

یہ نَعیمِ زار کیسا ہجر میں بے تاب ہے

دیکھئے اس کی طرف اے شاہِ شاہاں دیکھئے