Muhammad Mustafa Noor-e-Khuda Naam-e-Khuda Tum Ho – Naat Lyrics in اردو (Urdu)

محمد مصطفیٰ نورِ خدا نامِ خدا تم ہو

شہِ خیرُ الوریٰ شانِ خدا علٰی تم ہو

شکیبِ دل قرارِ جاں محمد مصطفیٰ تم ہو

طبیبِ دردِ دل تم ہو مرے دل کی دوا تم ہو

غریبوں درد مندوں کی دوا تم ہو دُعا تم ہو

فقیروں بینواؤں کی صدا تم ہو ندا تم ہو

حبیبِ کبریا تم ہو امامُ الْاَنْبِیَاء تم ہو

محمد مصطفیٰ تم ہو محمد مجتبےٰ تم ہو

ہمارے ملجا و ماوا ہمارا آسرا تم ہو

ٹھکانہ بے ٹھکانوں کا شہِ ہر دوسرا تم ہو

غریبوں کی مدد بے بس کا بس رُوحِ فدا تم ہو

سہارا بے سہاروں کا ہمارا آسرا تم ہو

نہ کوئی ماہِ وُش تم سا نہ کوئی مہ جبیں تم سا

حسینوں میں ہو تم ایسے کہ محبوبِ خدا تم ہو

میں صدقے انبیاء کے یوں تو محبوب ہیں لیکن

جو سب پیاروں سے پیارا ہے وہ محبوبِ خدا تم ہو

حسینوں میں تمہیں تم ہو نبیوں میں تمہیں تم ہو

کہ محبوبِ خدا تم ہو نَبِیُّ الْاَنْبِیَاء تم ہو

تمہارے حُسنِ رنگیں کی جھلک ہے سب حسینوں میں

بہاروں کی بہاروں میں بہارِ جاں فزا تم ہو

زمیں میں ہے چمک کس کی فلک پر ہے جھلک کس کی

مہِ خورشید ستاروں ستاروں کی ضیا تم ہو

وہ لَاشَانی ہو تم آقا نہیں ثانی کوئی جس کا

اگر ہے دوسرا کوئی تو اپنا دوسرا تم ہو

ہُوَ الْاَوَّل ہُوَ الْآخِر ہُوَ الظَّاہِر ہُوَ الْبَاطِن

بِکُلِّ شَیْءٍ عَلِیمٍ لَوحِ محفوظِ خدا تم ہو

نہ ہو سکتے ہیں دو اوّل نہ ہو سکتے ہیں دو آخر

تم اوّل اور آخر، ابتدا تم انتہا تم ہو

خُدا کہتے نہیں بنتی جُدا کہتے نہیں بنتی

خدا پر اس کو چھوڑا ہے وہی جانے کہ کیا تم ہو

انا مِن حامدِ و حامد رضا مَنّی کے جلوؤں سے

بِحَمْدِ اللہ رضا حامد اور حامد رضا تم ہو