Kamal-e-husn-e-parda mast-e-naaz la-ubali hai – Naat Lyrics in اردو (Urdu)

کمالِ حُسنِ پردہ مستِ ناز لااُبالی ہے

سنبھل کر اے دلِ مضطر ترا اللہ والی ہے

ارسطو کیا کہ نبضِ عاشقان پر ہاتھ رکھنے سے

افلاطوں خود گرفتارِ بلائے خستہ حالی ہے

نہیں کچھ سینہ کاوی چل دیا شاید کہیں دلبر

کہ دل پہلو سے غائب ہے ہمارا سینہ خالی ہے

یہ کس نے روند ڈالا لاشہِ بیکس کو قدموں سے

کہ آنکھیں گھل گئیں جاں آ گئی کیا پائمالی ہے

پھلیں نخل و شجر گلزار پھولیں چشمے ہوں جاری

برس اے چشمِ خوں افشاں جہاں میں قحط سالی ہے

فنا ہو اس میں جس کو ہو نہیں سکتی فنا ہرگز

یہ ہستی جس پہ تو مفتوں ہے تصویرِ خیالی ہے

ہُنر ہی سے جہاں میں آدمی کی قدر ہوتی ہے

نعیم بے ہنر مشہور تیری بے کمالی ہے