دا تا مرا سوال سنو مجھ کو بھیک دو منگتا تمہارا تم کو تمہیں سے ہے مانگتا آیا ہے دُور سے یہی سنتا ہوا فقیر بڑا بیٹے گا حضرتِ نوری کے نور کا مجھ سا کوئی سقیم نہ تم سا کوئی کریم میری طلب طلب ہے تمہاری عطا عطا لِلّٰہِ نگاہ مہر ہو مجھ تیرہ بخت پر آنکھوں کو نورِ دل کو عنایت کرو جلا دارین میں عُلوِ مراتب کرو عطا تم مظہرِ علی ہو علی مظہرِ علا خوش باش اے حسن ترے دشمن ملول ہوں جس کا گدا ہے تو وہ ہے غمخوارِ بے نوا تاریخ اب وصالِ مقدس کی عرض کر حاصل ہو پورے شعر سے خاطر کا مدعا وہ سیدِ والا گئے جب بزمِ قدس میں اچھے میاں نے اُٹھ کے گلے سے لگالیا ۱۳۲۲ھ شکرِ خالق کس طرح سے ہو ادا اک زباں اور نعمتیں بے انتہا پھر زباں بھی کس کی مجھ ناچیز کی وہ بھی کیسی جس کو عصیاں کا مزا اے خدا کیونکر لکھوں تیری صفت اے خدا کیونکر کہوں تیری ثنا گننے والے گنتیاں محدود ہیں تیرے الطاف و کرم بے انتہا سب سے بڑھ کر فضل تیرا اے کریم ہے وُجودِ اقدسِ خیرُ الوریٰ ہر کرم کی وجہ یہ فضلِ عظیم صدقہ ہیں سب نعمتیں اس فضل کا فضل اور پھر وہ بھی ایسا شاندار جس پہ سب افضال کا ہے خاتمہ اولیا اس کے کرم سے خاصِ حق انبیا اس کی عطا سے انبیا خود کرم بھی خود کرم کی وجہ بھی خود عطا خود باعثِ جود و عطا اس کرم پر اس عطا و جود پر ایک میری جان کیا عالم فدا کردے اک نُم سے جہاں سیرابِ فیض جوش زن چشمہ کرم کے میم کا جانِ کہنا مبتذل تشبیہ ہے اللہ اللہ اس کے دامن کی ہوا جان دی مردوں کو عیسیٰ نے اگر اس نے خود عیسیٰ کو زندہ کر دیا بے سبب اس کی عطائیں بے شمار بے غرض اس کے کرم بے انتہا بادشاہ ہو یا گدا ہو کوئی سب کو اس سرکار سے صدقہ ملا سب نے اس در سے مرادیں پائی ہیں اور اسی در سے ملیں گی دائما جودِ دریا کے صدقہ سے بڑھے بڑھتے بادل کو گھٹا کہنا خطا مَن رَأٰنی والے رُخ نے بھیک دی کیوں نہ گلشن کی صفت ہو دلکشا جلوہ پائے مُنَوَّر کے نثار مہر و مہ کو کتنا اونچا کر دیا اپنے بندوں کو خدائے پاک نے اس کے صدقے میں دیا جو کچھ دیا مُصطَفٰے کا فضل ہے مسرور ہیں نعمتِ تازہ سے عبدالمصطفیٰ عالمِ دیں مُقتدائے اہلِ حق سُنّیوں کے پیشوا احمد رضا فضلِ حق سے ہیں فقیرِ قادری اس فقیری نے انہیں سب کچھ دیا لختِ دل حامد میاں کو شکر ہے حق نے بیٹا بخشا جیتا جاگتا میں دعا کرتا ہوں اب اللہ سے اور دعا بھی وہ جو ہے دل کی دعا واسطہ دیتا ہوں میں تیرا تجھے اے خدا از فضل تو حاجت روا عافیت سے قبلہ و کعبہ رہیں ہم غلاموں کے سروں پر دائما دولتِ کونین سے ہوں بہرہ ور اَخُ الاعظم مُصطَفٰے حامد رضا نعمتِ تازہ کو دے وہ نعمتیں کیں جو تو نے خاص بندوں کو عطا دوست اُن سب کے رہیں آباد و شاد دشمنِ بدخواہ غم میں مبتلا آفریں طبعِ رواں کو اے حسن قطعہ لکھنا تھا قصیدہ ہو گیا سنِ ولادت کے دعائیہ لکھو علم و عُمرِ اقبال و طالع دے خدا ۱۳۲۵ھ