Tu sham-e-risalat hai alam tera parwana Tu mah-e-nabuwat hai ae jalwa-e-janana Jo saqi-e-kausar ke chehre se naqab uthay Har dil banay mai-khana har aankh ho paimana Dil apna chamak uthay imaan ki tal'at se Kar aankhein bhi noorani ae jalwa-e-janana Sarshar mujhe karde ek jaam-e-labab se Ta hashr rahe saqi aabad yeh mai-khana Tum aaye chuti bazi raunaq hui phir tazi Ka'ba hua phir ka'ba kar dala but-khana Mast-e-mai-e-ulfat hai madhosh-e-mohabbat hai Farzana hai deewana deewana hai farzana Main shah-e-nasheen toote dil ko na kahoon kaise Hai toota hua dil hi Maula tera kaashana Kyun zulf-e-mu'ambar se kooche na mehak uthein Hai panja-e-qudrat jab zulfon ka teri shana Us dar ki hazoori hi isyan ki dawa thehri Hai zehar-e-ma'asi ka Taiba hi shafakhana Har phool mein boo teri har shama mein zoo teri Bulbul hai tera bulbul parwana hai parwana Peete hain tere dar ka khate hain tere dar ka Pani hai tera pani dana hai tera dana Har aarzoo bar aaye sab hasratein poori hon Woh kaan zara dhar kar sun lein mera afsana Sang-e-dar-e-jana par karta hoon jabeen saai Sajda na samajh Najdi sar deta hoon nazrana Gir par ke yahan pohancha mar mar ke use paya Chhoote na Ilahi ab sang-e-dar-e-janana Sang-e-dar-e-jana hai thokar na lage usko Le hosh pakad ab tu ae laghzish-e-mastana Woh kehte na kehte kuch woh karte na karte kuch Ae kaash woh sun lete mujh se mera afsana Ae muflis-o-nadaro jannat ke kharidaro Kuch laye ho bai'ana kya dete ho bai'ana Kuch nek amal bhi hain ya yun hi amal hi hai Duniya ki bhi har shay ka tum lete ho bai'ana Kuch us se nahi matlab hai dost ke dushman hai Unko to karam karna apna ho ke begana Hubb-e-sanam-e-duniya se paak kar apna dil Allah ke ghar ko bhi zalim kiya but-khana The paon mein bekhud ke chhale to chala sar se Hoshiyar hai deewana hoshiyar hai deewana Aankhon mein meri tu aa aur dil mein mere bas ja Dil shad mujhe farma ae jalwa-e-janana Abad use farma veeran hai dil-e-Noori Jalwe tere bas jayen abad ho veerana Sarkar ke jalwon se roshan hai dil-e-Noori Ta hashr rahe roshan Noori ka ye kaashana