Maah-e-Tayyaba Nayyar-e-Batha Sallallahu Alaika wa Sallam – Naat Lyrics

ماہِ طیبہ نیرِ بطحا صَلَّی اللہُ عَلَیْکَ وَسَلَّم تیرے دم سے عالم چمکا صَلَّی اللہُ عَلَیْکَ وَسَلَّم تو ہے مظہرِ ربِ اجمل ظل ہیں تیرے سارے مرسل کون ہے ہم سر تیرا شاہا صَلَّی اللہُ عَلَیْکَ وَسَلَّم تم ہو پیارے اصلِ ہماری سارا جہاں ہے فرع تمہاری تم سب کی ماہیت گویا صَلَّی اللہُ عَلَیْکَ وَسَلَّم تم ہو قائم حق کے جلوے ہو نورِ مطلق کے تم ہو حجت ربِ اعدا صَلَّی اللہُ عَلَیْکَ وَسَلَّم تو ہے نائب ربِ اکبر پیارے ہر دم تیرے در پر اہلِ حاجت کا ہے میلہ صَلَّی اللہُ عَلَیْکَ وَسَلَّم حق نے بنایا ایسا تو نگر اکبر و اوسط و اصغر و سرور تیرے در پر حاضر جملہ صَلَّی اللہُ عَلَیْکَ وَسَلَّم ہر شے میں ہے تیرا جلوہ تجھ سے روشن دین و دنیا بانٹا تو نے نور کا بارا صَلَّى اللّٰهُ عَلَيْكَ وَسَلَّم ایماں تیری عظمت و اُلفت اور تصدیق و جزمِ نسبت مومن وہ جس نے پایا صَلَّى اللّٰهُ عَلَيْكَ وَسَلَّم بے شبہ ہے زینِ طاعت حق یہ کہ ہے عینِ عبادت حق کے پیارے تصور تیرا صَلَّى اللّٰهُ عَلَيْكَ وَسَلَّم تیری ضیا سے عالم چمکا سُبْحَانَ اللّٰه مَا شَاءَ اللّٰه جلوۂ حق ہے جلوہ تیرا صَلَّى اللّٰهُ عَلَيْكَ وَسَلَّم نورِ مجسم تیرے دم سے نوری صدقے روز ہیں پاتے مہر و ماہ و انجم آرا صَلَّى اللّٰهُ عَلَيْكَ وَسَلَّم تو چاہے وہ جو رب چاہے رب چاہے وہ جو تو چاہے چاہا تیرا رب کا چاہا صَلَّى اللّٰهُ عَلَيْكَ وَسَلَّم جتنے سلاطیں پہلے آئے ان کے ہو گئے کھوٹے جاری رہے گا سکہ تیرا صَلَّى اللّٰهُ عَلَيْكَ وَسَلَّم تاجِ سُلطاں بن کر چمکا تیرے نقشِ پا کا جلوہ تو ہے نورِ ذاتِ مولیٰ صَلَّى اللّٰهُ عَلَيْكَ وَسَلَّم تیرے گھر کا بچہ بچہ سارا گھرانا سید والا نوری مورت نور کا پتلا صَلَّى اللّٰهُ عَلَيْكَ وَسَلَّم کی ہے ابرِ غم نے چڑھائی ماہِ طیبہ تیری دہائی بدرِ دُجیٰ ہو جلوہ فرما صَلَّى اللّٰهُ عَلَيْكَ وَسَلَّم غم کی کالی گھٹائیں چھائیں رنج و الم کی بلائیں چھائیں شمسِ ضحیٰ ہو جلوہ فرما صَلَّى اللّٰهُ عَلَيْكَ وَسَلَّم خارِ غم کیسا چبھتا ہے کیسی خلش ہے دل دُکھتا ہے پیارے دل سے نکالو نا صَلَّى اللّٰهُ عَلَيْكَ وَسَلَّم رافع تم ہو دافع تم ہو نافع تم ہو شافع تم ہو رنج و غم کا پھر کیا ٹھکا صَلَّى اللّٰهُ عَلَيْكَ وَسَلَّم میں ہوں بے بس تو ہی بس ہے میں ہوں بے کس تو ہی کس ہے کس لے کر اور بہرِ مدد آ صَلَّى اللّٰهُ عَلَيْكَ وَسَلَّم سر پر بادل کالے کالے دُود عصیاں کے ہیں چھالے دم گھٹتا ہے میرے مولیٰ صَلَّى اللّٰهُ عَلَيْكَ وَسَلَّم میں ہوں تنہا بن ہے سونا دُزدِ ایماں سر پر پہنچا میری خبر لے میرے مولیٰ صَلَّى اللّٰهُ عَلَيْكَ وَسَلَّم حال ہمارا جیسا زبوں ہے اور وہ کیسا اور وہ کیوں ہے سب ہے تم پر روشن شاہا صَلَّى اللّٰهُ عَلَيْكَ وَسَلَّم ہر ذرہ پر تیری نظر ہے ہر قطرہ کی تجھ کو خبر ہے ہو علمِ لدنیٰ کے تم دانا صَلَّى اللّٰهُ عَلَيْكَ وَسَلَّم عیب سے تم کو پاک کیا ہے غیب کا تم کو علم دیا ہے اور خود حق بھی تم سے چھپا کیا صَلَّى اللّٰهُ عَلَيْكَ وَسَلَّم تو میرے ایماں کو جلا دے جانِ مسیحا دل کو جلا دے مردہ ہے دل میرا آ صَلَّى اللّٰهُ عَلَيْكَ وَسَلَّم حد سے بڑھ گئے عصیاں میرے تو دھودے آبِ رحمت سے بحرِ رحمت جوش پہ آ جا صَلَّى اللّٰهُ عَلَيْكَ وَسَلَّم کیسی زبانیں سوکھ گئی ہیں پیاس سے باہر آئی ہوئی ہیں ابرِ کرم دیدے اک چھینٹا صَلَّی اللہُ عَلَیْکَ وَسَلَّم مہِ محشر سرِ سرورِ پھونکے دے ہم کو یکسر مہرِ کر گیسو کا سایہ صَلَّی اللہُ عَلَیْکَ وَسَلَّم منہ تک میرے پسینہ پہنچا ڈوبا ڈوبا ڈوبا ڈوبا دامن میں لے لیجئے آقا صَلَّی اللہُ عَلَیْکَ وَسَلَّم آدم سے تا حضرتِ عیسیٰ سب کی خدمت میں ہوا آیا نَفْسِی سب نے ہی فرمایا صَلَّی اللہُ عَلَیْکَ وَسَلَّم میرے آقا میرے مولا آپ سے سن کر اِنِّی لَہَا دم میں ہے دم میرے آیا صَلَّی اللہُ عَلَیْکَ وَسَلَّم روشن ہو گیا اس سے سرورِ پیشِ داورِ شافِعِ محشر میرے مولا ہو تنہا صَلَّی اللہُ عَلَیْکَ وَسَلَّم وقتِ ولادت تم نہیں بھولے وقتِ رحلت یاد ہی رکھے اپنے بندے تم نے شاہا صَلَّی اللہُ عَلَیْکَ وَسَلَّم آؤ آؤ میری خبر کو واروں تم پر قلب و جگر کو میں بھی ہوں تمہارا بندہ صَلَّی اللہُ عَلَیْکَ وَسَلَّم میری آنکھوں میرے سر پر میرے دل پر میرے جگر پر پائے اقدس رکھ دوشاہا صَلَّی اللہُ عَلَیْکَ وَسَلَّم تیرے نقشِ قدم نے سرور پھر موم بنائے یکسر موم بنا دل سنگیں میرا صَلَّی اللہُ عَلَیْکَ وَسَلَّم آپ کا جلوہ ہر جز و کل میں آپ کے رنگ و بو ہر گل میں آپ کی بو سے عالم مہکا صَلَّی اللہُ عَلَیْکَ وَسَلَّم کون گیا ہے عرشِ علا تک کس کی رسائی ذاتِ خدا تک تم نے پایا اعلیٰ پایا صَلَّی اللہُ عَلَیْکَ وَسَلَّم تم ہو اوّل تم ہو آخر تم ہو باطن تم ہو ظاہر حق نے بخشے ہیں یہ اسماء صَلَّی اللہُ عَلَیْکَ وَسَلَّم بَارَکَ شَرَّفَ مَجَّدَ کَرَمَ نَوَّرَ قَلْبَکَ اَسْرٰی عَلَّم رب نے تم کو کیا بخشا صَلَّی اللہُ عَلَیْکَ وَسَلَّم صاحبِ دولت تم ہی تو ہو قاسمِ نعمت تم ہی تو ہو تم ہو سارے جگ کے داتا صَلَّی اللہُ عَلَیْکَ وَسَلَّم اَنْتَ الرَّافِعُ اَنْتَ النَّافِعُ اَنْتَ الدَّافِعُ اَنْتَ الشَّافِع اِشْفَعْ عِنْدَ الرَّبِّ الْاَعْلٰی صَلَّی اللہُ عَلَیْکَ وَسَلَّم اَنْتَ الْاَوَّلُ اَنْتَ الْاٰخِرُ اَنْتَ الْبَاطِنُ اَنْتَ الظَّاہِر اَنْتَ سَمِیُّ الْمَوْلٰی تَعَالٰی صَلَّی اللہُ عَلَیْکَ وَسَلَّم مَنْ لِّی نَاصِرُ مَالِی وَالٰی غَیْرَکَ مَالِی فَاَنْظُرْ حَالِی وَاسْمَعْ قَالِی یَا مَوْلَایَ صَلَّی اللہُ عَلَیْکَ وَسَلَّم اَنْتَ الْقَاسِمُ رَبُّکَ مُعْطِی تم ہی نے سب کو نعمت دی دے دو مجھ کو میرا حصہ صَلَّی اللہُ عَلَیْکَ وَسَلَّم اَنْتَ شَفِیعِی اَنْتَ وَکِیْلِی اَنْتَ حَبِیْبِی اَنْتَ طَبِیْبِی اَنْتَ کَفِیْلِی یَا مَوْلَانَا صَلَّی اللہُ عَلَیْکَ وَسَلَّم حاضر در ہے نوری مُضطر آپ کا یہ موروثی شناگر ابنِ رضا ہے خواہاں رضا صَلَّی اللہُ عَلَیْکَ وَسَلَّم

Search Your Kalam

Maah-e-Tayyaba Nayyar-e-Batha Sallallahu Alaika wa Sallam – Naat Lyrics

More Kalam by Mustafa Raza Khan Qadri

Maah-e-Tayyaba Nayyar-e-Batha Sallallahu Alaika wa Sallam – Naat Lyrics

More Kalam by Mustafa Raza Khan Qadri