Tera jalwa noor-e-Khuda Ghous-e-Azam Tera chehra imaan fiza Ghous-e-Azam Mujhe be-gumaan de gumaan Ghous-e-Azam Na paoon mein apna pata Ghous-e-Azam Khudi ko mita de Khuda se mila de De aisi fana-o-baqa Ghous-e-Azam Khudi ko gumaoon to main haq ko paoon Mujhe jaam-e-irfan pila Ghous-e-Azam Khuda saaz aaina-e-haq numa hai Tera chehra pur-ziya Ghous-e-Azam Khuda to nahi hai magar tu Khuda se Juda bhi nahi hai zara Ghous-e-Azam Na to khud Khuda hai na haq se juda hai Khuda ki hai tu shaan ya Ghous-e-Azam Tu baagh-e-Ali ka hai woh phool jis se Dimaagh-e-jahan bas gaya Ghous-e-Azam Tera martaba kyon na aala ho maula Hai mehboob-e-Rabb-ul-Ula Ghous-e-Azam Tera rutba Allah-u-Akbar saron par Qadam auliya ne liya Ghous-e-Azam Tera daaman-e-paak thaame jo rehzan Bane haadi-o-rehnuma Ghous-e-Azam Na kyon mehrbaan ho ghulamon pe apne Karam ki hai tu kaan ya Ghous-e-Azam Tere sadqe jaoon meri laaj rakh le Tere haath hai laaj ya Ghous-e-Azam Pareshan kar de pareshaniyon ko Pareshan dil hai mera Ghous-e-Azam Meri kashti chakra rahi hai bhanwar mein Mere nakhuda bakhuda Ghous-e-Azam Khudaya sahara sahara Khudaya Talaatum hai had se siwa Ghous-e-Azam Are more siyan paroon tore payan Pakad mori bayian piya Ghous-e-Azam Khatayen hamari jo had se siwa hain Ata teri un se siwa Ghous-e-Azam Khata kariyan garcha had se bhi apni Siwa hain siwa hain siwa Ghous-e-Azam Hamari khata ko tumhari ata se Bhala koi nisbat bhi ya Ghous-e-Azam Tu reham-o-karam ka hai be-payan dariya Yeh ik fard-e-isyan hai kya Ghous-e-Azam Yeh ik fard-e-isyan hai kya tere aage Agar lakhon se hoon siwa Ghous-e-Azam Tera ek hi qatra dho de ga sara Har ek safha-e-pur-khata Ghaus-e-Azam Tu bekas ka gus aur be-bas ka bas hai Tuwan natwanon ki ya Ghaus-e-Azam Meri jaan mein jaan aaye jo aaye Mara alam mara Ghaus-e-Azam Meri jaan kya jaan-e-imaan ho taza Ke hai Muhyi-e-Deen-e-Khuda Ghaus-e-Azam Mara sar teri kafsh-e-pa par tasadduq Woh pa ke tu qabil hai ya Ghaus-e-Azam Jhalak roo-e-anwar ki apni dikha kar Tu Noori ko Noori bana Ghaus-e-Azam