Tab-e-Miraat-e-Sahar Gard-e-Bayaban-e-Arab – Naat Lyrics in اردو (Urdu)

تابِ مرآتِ سحر گردِ بیابانِ عرب غمازہ روئے قمر چراغانِ عرب اللہ اللہ بہارِ چمنستانِ عرب پاک ہیں لوثِ خزاں سے گل و ریحانِ عرب جوشِ ابر سے خونِ گل فردوس کرے چھیڑ دے رگ کو اگر خارِ بیابانِ عرب تشنہ نہر جناں ہر عربی و عجمی! لبِ ہر نہر تشنہ نیسانِ عرب طوقِ غم آپ ہوائے پہ قمری سے گرے اگر آزاد کرے سروِ خرامانِ عرب مہرِ میزاں میں چھپا ہو تو حمل میں چمکے ڈالے اک بوند شبِ دّے میں جو بارانِ عرب عرش سے مژدہ شفاعت لایا طائرِ سِدرہ نشیں مرغِ سلیمانِ عرب حُسنِ یوسف پہ کٹیں مِصر میں انگشتِ زناں سَر کٹاتے ہیں ترے نام پہ مردانِ عرب کوچہ کوچہ میں مہکتی ہے یہاں بوئے قمیص یوسفتار ہے ہر اک گوشۂ کنعانِ عرب بزمِ قدسی میں ہے یارب جاں بخش حضور عالمِ نور میں ہے چشمۂ حیوانِ عرب پائے جبرئیل نے سرکار سے کیا کیا القاب خسروِ خیلِ ملک، خادمِ سلطانِ عرب بلبل و نیلوفر و کبک بنو پروانو! مہ و خورشید پہ ہنستے ہیں چراغانِ عرب حور سے کیا کہیں موسیٰ سے مگر عرض کریں کہ ہے خود حُسنِ ازل طالبِ جانانِ عرب کرم نعت کے نزدیک تو کچھ دور نہیں کہ رضاؔ عجمی ہو سگِ حسانِ عرب

Search Your Kalam

Tab-e-Miraat-e-Sahar Gard-e-Bayaban-e-Arab – Naat Lyrics in اردو (Urdu)

More Kalam by Ala Hazrat Imam Ahmad Raza Khan Qadri