سحر چمکی جمال فصل گل آرائشوں پر ہے – Naat Lyrics

سحر چمکی جمالِ فصلِ گل آرائشوں پر ہے نسیمِ روح پرور سے مشامِ جاں معطر ہے قریبِ طیبہ بخشے ہیں تصور نے مزے کیا کیا مرا دل ہے مدینہ میں مدینہ دل کے اندر ہے ملائک سر جہاں اپنا جھکتے ڈرتے رہتے ہیں قدم اُن کے گنہگاروں کا ایسی سرزمیں پر ہے ارے اوسونے والے دل ارے اوسونے والے دل سحر ہے جاگ غافل دیکھ تو عالم منور ہے سہانی طرز کی طلعت نرالے رنگ کی نکہت نسیمِ صبح سے مہکا ہوا پُرنور منظر ہے تَعَالَی اللہ یہ شادابی یہ رنگینی تَعَالَی اللہ بہارِ بہشتِ دشتِ طیبہ پر نچھاور ہے ہوائیں آ رہی ہیں کوچہ پُرنور جاناں کی کھلی جاتی ہیں کلیاں دل کو میسر ہے منور چشم زائر ہے جمالِ عرشِ اعظم سے نظر میں سبز گنبد کی تجلی جلوہ گستر ہے یہ رفعت درگہِ عرشِ آستاں کے قرب سے پائی کہ ہر ہر سانس ہر ہر گام پر معراج دیگر ہے محرم کی نویں تاریخ بارہ منزلیں کر کے وہاں پہنچے وہ گھر دیکھا جو گھر اللہ کا گھر ہے نہ پوچھو ہم کہاں پہنچے اور اُن آنکھوں نے کیا دیکھا جہاں پہنچے وہاں پہنچے جو دیکھا دل کے اندر ہے ہزاروں بے نواؤں کے ہیں جھمگٹ آستانہ پر طلب دل میں صدائے یا رسول اللہ لب پر ہے لکھا ہے خامۂ رحمت نے در پر خطِ قدرت سے جسے یہ آستانہ مل گیا سب کچھ میسر ہے رکھوں میں حاضری کی شرم ان اعمال پر کیونکر مرے امکان سے باہر مری قدرت سے باہر ہے اگر شانِ کرم کو لاج ہو میرے بلانے کی تو میری حاضری دونوں جہاں میں میری یاور ہے مجھے کیا ہو گیا ہے کیوں میں ایسی باتیں کرتا ہوں یہاں بھی یاس و محرومی یہ کیونکر ہو یہ کیونکر ہے بُلا کر اپنے کُتے کو نہ دیں چمکار کر ٹھکرا پھر اس شانِ کرم پر فہم سے یہ بات باہر ہے تذبذب مغفرت میں کیوں رہے اس در کے زائر کو کہ یہ درگاہِ والا رحمتِ خالص کا منظر ہے مبارک ہو حسن سب آرزوئیں ہو گئیں پوری اب اُن کے صدقے میں عیشِ ابد تجھ کو میسر ہے

Search Your Kalam

Sehar Chamki Jamal-e-Fasl-e-Gul Aaraishon Par Hai – Naat Lyrics

More Kalam by Allama Hasan Raza Khan

Sehar Chamki Jamal-e-Fasl-e-Gul Aaraishon Par Hai – Naat Lyrics

More Kalam by Allama Hasan Raza Khan