Qalb-e-ashiq hai ab para para alvida alvida ah! Ramadan – Naat Lyrics in اردو (Urdu)

(اس کلام میں بیچ میں کہیں کہیں مضمر ہے کسی نامعلوم شاعر کے ہیں، کلام نہایت پر سوز تھا اس لئے کسی کی فرمائش پر اسی کلام کی مدد سے اپنے متلاطم جذبات کو الفاظ کے قالب میں ڈھالنے کی سعی کی ہے) قلبِ عاشق ہے اب پارہ پارہ الوداع الوداع آہ! رمضان کُلفِتِ ہجر و فرقت نے مارا الوداع الوداع آہ! رمضان تیرے آنے سے دل خوش ہوا تھا اور ذوقِ عبادت بڑھا تھا آہ! اب دل پہ ہے غم کا غلبہ الوداع الوداع آہ! رمضان مسجدوں میں بہار آگئی تھی جوق در جوق آتے نمازی ہو گیا کم نمازوں کا جذبہ الوداع الوداع آہ! رمضان بزمِ افطار بجتی تھی کیسی! خوب سحری کی رونق بھی ہوتی سب سماں ہو گیا سونا سونا الوداع الوداع آہ! رمضان تیرے دیوانے اب رو رہے ہیں مُضطرب سب کے سب ہو رہے ہیں ہائے اب وقتِ رخصت ہے آیا الوداع الوداع آہ! رمضان تیرا غم ہم کو تڑپا رہا ہے آتشِ شوق بھڑکا رہا ہے (مدینہ) اے رنجِ تکلیف پھٹ رہا ہے ترے غم میں سینہ الوداع الوداع آہ! رمضان یادِ رمضاں کی تڑپا رہی ہے آنسوؤں کی جھڑی لگ گئی ہے کہہ رہا ہے یہ ہر ایک قطرہ الوداع الوداع آہ! رمضان دل کے ٹکڑے ہوئے جا رہے ہیں تیرے عاشق مرے جا رہے ہیں رو رو کہتا ہے ہر اک بیچارا الوداع الوداع آہ! رمضان حسرتا ماہِ رمضاں کی رخصت قلبِ عشاق پر ہے قیامت کون دے گا انہیں اب دِلاسا الوداع الوداع آہ! رمضان کوہِ غم عاشقوں پر پڑا ہے ہر کوئی خون اب رو رہا ہے کہہ رہا ہے یہ ہر غم کا مارا الوداع الوداع آہ! رمضان تم پہ لاکھوں سلام آہ! رمضان الوداع آہ! اے رب کے مہماں! جاؤ حافظ خدا اب تمہارا الوداع الوداع آہ! رمضان نیکیاں کچھ نہ ہم کر سکے ہیں آہ! اعضیاں میں ہی دن کٹے ہیں ہائے! غفلت میں تجھ کو گزارا الوداع الوداع آہ! رمضان واسطہ تجھ کو میٹھے نبی کا حشر میں ہم کو مت بھول جانا روزِ محشر ہمیں بخشوانا الوداع الوداع آہ! رمضان جب گزر جائیں گے ماہِ گیارہ تیری آمد کا پھر شور ہوگا کیا مری زندگی کا بھروسا الوداع الوداع آہ! رمضان ماہِ رمضاں کی رنگیں فضاؤ! ابرِ رحمت سے مملو ہواؤ لو سلامِ آخری اب ہمارا الوداع الوداع آہ! رمضان کچھ نہ حُسنِ عمل کر سکا ہوں نذرِ چند اشک میں کر رہا ہوں بس یہی ہے مرا کل اثاثہ الوداع الوداع آہ! رمضان ہائے عطارؔ بدکار کاہل رہ گیا یہ عبادت سے غافل اس سے خوش ہو کے ہونا روانہ الوداع الوداع آہ! رمضان سالِ آئندہ شاہِ حرم تم کرنا عطارؔ پر یہ کرم تم تم مدینے میں رمضاں دکھانا الوداع الوداع آہ! رمضان

Search Your Kalam

Qalb-e-ashiq hai ab para para alvida alvida ah! Ramadan – Naat Lyrics in اردو (Urdu)

More Kalam by Muhammad Ilyas Attar Qadri