Musarrat se seena madina bana tha maza khoob Ramzan mein aa raha tha – Naat Lyrics in اردو (Urdu)

مسرّت سے سینہ مدینہ بنا تھا مزہ خوب رمضان میں آ رہا تھا پڑے رنج و غم کا اندھیرا ہوا تھا مزہ خوب رمضان میں آ رہا تھا خبر جب کہ رمضاں کی آمد کی آئی تو مرجھائے دل کی کلی مسکرائی اور ابرِ کرم نور برسا رہا تھا مزہ خوب رمضان میں آ رہا تھا نظر چاند رمضاں کا جس وقت آیا ہُوا رحمتوں کا زمانے پہ سایہ اُفق پر بھی ابرِ کرم چھا گیا تھا مزہ خوب رمضان میں آ رہا تھا کھلے بابِ جنّت، جہنّم کو تالے پڑے، ہر طرف تھے اُجالے اُجالے وہ مردُود شیطان قیدی بنا تھا مزہ خوب رمضان میں آ رہا تھا ترانے خوشی کے فضا گنگناتی ہُوا بھی مسرّت کے نغمے سناتی جدھر دیکھئے مرحبا مرحبا تھا مزہ خوب رمضان میں آ رہا تھا فضائیں بھی کیا نور برسا رہی تھیں ہوائیں مسرّت سے اٹھلا رہی تھیں سماں ہر طرف کیف و مستی بھرا تھا مزہ خوب رمضان میں آ رہا تھا شب و روز رحمت کی برسات ہوتی عطاؤں کی جھولی میں خیرات ہوتی مسلماں کا دامن کرم سے بھرا تھا مزہ خوب رمضان میں آ رہا تھا جو اُلفت کے پیمانے تقسیم ہوتے تو بخشش کے پروانے ترقیم ہوتے خوشا! بحرِ رحمت کو جوش آ گیا تھا مزہ خوب رمضان میں آ رہا تھا مساجد میں ہر سُو بہار آ گئی تھی خدا کے کرم کی گھٹا چھا گئی تھی جسے دیکھو سجدے میں آ کر گرا تھا مزہ خوب رمضان میں آ رہا تھا فضائیں منوّر ہوائیں معطّر خدا کی قسم تھا سماں کیف آور دلوں پر بھی اک وجد سا چھا گیا تھا مزہ خوب رمضان میں آ رہا تھا کلیجے میں ٹھنڈک تھی، چہرے پہ پانی دلوں میں بھی تھی کس قدر شادمانی سکوں ماہِ رمضاں میں کیسا ملا تھا مزہ خوب رمضان میں آ رہا تھا مسلماں تھے خوش رُخ پہ رونق بڑی تھی خدا کے کرم کی برستی جھڑی تھی عبادت میں دل کس قدر لگ گیا تھا مزہ خوب رمضان میں آ رہا تھا سرِ شامِ اِفطار کی رونقیں تھیں بوقتِ سَحَر کس قَدَر بَرکتیں تھیں سُرور آ رہا تھا مزہ آ رہا تھا مزہ خوب رَمضان میں آ رہا تھا مقدّر نے کی یاوَری ساتھ جن کے مساجد میں وہ مُعْتَکِف ہو گئے تھے عبادت کا کیا خوب جذبہ ملا تھا مزہ خوب رَمضان میں آ رہا تھا عبادت میں عُشّاق لذّت تھے پاتے ادب سے تلاوت میں سر کو جُھکاتے نمازوں کا روزوں کا بھی اک مزا تھا مزہ خوب رَمضان میں آ رہا تھا مُناجاتِ اِفطار میں رِقّتیں تھیں دُعاؤں میں بھی کس قَدَر لَذّتیں تھیں جسے دیکھو وہ مَحْوِ یادِ خدا تھا مزہ خوب رَمضان میں آ رہا تھا ثنا خوان جس وقت نعتیں سناتے تو آقا کے عُشّاق آنسو بہاتے نشہ خوب عِشقِ نبی کا چڑھا تھا مزہ خوب رَمضان میں آ رہا تھا مُبَلِّغ عذابوں سے جس دَم ڈراتا کوئی کپکپاتا کوئی تھر تھراتا کوئی گڑگڑاتا کوئی چیختا تھا مزہ خوب رَمضان میں آ رہا تھا گھڑی جبکہ رَمضاں کی رُخصت کی آئی تڑپتے تھے صدمے سے اسلامی بھائی بلکتا تھا کوئی ، کوئی غمزدہ تھا مزہ خوب رَمضان میں آ رہا تھا دَمِ رُخصتِ ماہِ رَمضاں مسلماں تھے غمگیں و حیراں، پریشاں پریشاں شبِ عید دیکھو جسے رو رہا تھا مزہ خوب رَمضان میں آ رہا تھا مجھے ماہِ رَمضاں کا غم دے الٰہی مٹا حُبِّ دنیا کی دل سے سیاہی مزہ فانی سُنسار میں کیا رکھا تھا مزہ خوب رَمضان میں آ رہا تھا جو تھے مُعْتَکِف ”مدنی مرکز“ کے اندر بیچارے تھے عطّار مغموم و مُضْطَر دَمِ الوداع ان کا دل جل رہا تھا مزہ خوب رَمضان میں آ رہا تھا

Search Your Kalam

Musarrat se seena madina bana tha maza khoob Ramzan mein aa raha tha – Naat Lyrics in اردو (Urdu)

More Kalam by Muhammad Ilyas Attar Qadri