مدت سے مرے دل میں ہے ارمانِ مدینہ – Naat Lyrics in اردو (Urdu)

مدت سے مرے دل میں ہے ارمانِ مدینہ روضے پہ بُلا لیجئے سلطانِ مدینہ اے کاش! پہنچ کے درِ جانانِ مدینہ ہو جاؤں میں سو جان سے قربانِ مدینہ آتے ہیں مقدر کے سکندر ترے در پر بے اذن ہو کیسے کوئی مہمانِ مدینہ آگ ایسی لگا دیجئے قلب و جگر میں روتا رہوں تڑپا کروں اے جانِ مدینہ گلزار یہاں کے اسے اچھے نہیں لگتے آنکھوں میں سمائے ہیں بیابانِ مدینہ اب سندھ کے جنگل میں مرا جی نہیں لگتا بس مجھ کو بُلا لیجئے گلستانِ مدینہ دنیا کے نظارے ہمیں اک آنکھ نہ بھائیں نظروں میں بسیں کاش! بیابانِ مدینہ لنڈن کوئی جاپان چلا مال کمانے دیوانہ چلا سوئے بیابانِ مدینہ دنیا کا کوئی شہر ہو کس طرح مماثل؟ جب خلد بریں بھی نہیں ہم شانِ مدینہ کر دیجئے دیدار سے آنکھیں مری ٹھنڈی اے جانِ جہاں سیّد و سلطانِ مدینہ اے کاش! مبلغ میں بنوں دیںِ مبیں کا سرکار! کرم از پئے حسانِ مدینہ قدموں میں بُلا لیجئے بدکار کو آقا اور اس کو بنا لیجئے مہمانِ مدینہ عطارؔ کو دولت نہ حکومت کی طلب ہے دیدے بقیع اس کو تو سلطانِ مدینہ

Search Your Kalam

Muddat Se Mere Dil Mein Hai Arman-e-Madina – Naat Lyrics in اردو (Urdu)

More Kalam by Muhammad Ilyas Attar Qadri