مَدَنی سہرا – Naat Lyrics in اردو (Urdu)

(مُبَلِّغِ دعوتِ اسلامی مولا بخش عطاری سَلَّمَہُ الْبَاری کی شادی کے پُر مسرّت موقع پر انہی کی فرمائش پر ۱۲ اشعار پر مشتمل دعاؤں بھرا سہرا لکھا گیا تھا اس میں حسبِ ضرورت ترمیم کی گئی ہے) آج مولیٰ بخش فَضْلِ رب سے ہے دولہا بنا خوشنما پھولوں کا اس کے سر پہ ہے سہرا سجا اس کی شادی خانہ آبادی ہو ربِ مصطفٰے از طفیلِ غوث و خواجہ از پئے احمد رضا ان کی زوجہ یاخدا کرتی رہے پردہ سدا از طفیلِ حضرتِ عثمانِ غنی باحیا تُو سدا رکھنا سلامت ان کا جوڑا کردگار ان کو جھگڑوں سے بچانا از طفیلِ چار یار ان کو خوشیاں دو جہاں میں تُو عطا کر کبریا کچھ نہ چھائے ان پہ غم کی رنج کی کالی گھٹا تو نحوست سے انہیں فیشن کی اے مولیٰ بچا سنتوں پر یہ عمل کرتے رہیں یارب سدا نیک اولاد ان کو مولیٰ عافیت سے ہو عطا واسطہ یارب مدینے کی مبارک خاک کا یا الٰہی جب تلک دونوں یہاں جیتے رہیں سنتوں کی خوب خدمت یہ سدا کرتے رہیں اس طرح مہکا کرے یہ گھر کا گھر پیارے خُدا پھول مہکا کرتے ہیں جیسے مدینے کے سدا یا الٰہی! دے سعادت ان کو حج کی بار بار بار بار ان کو دکھا میٹھے محمدؐ کا دیار ہو بقیعِ پاک میں دونوں کو مَدْفَن بھی عطا سبز گُنبد کا تجھے دیتا ہوں مولیٰ واسطہ یہ میاں بیوی رہیں جنّت میں یکجا اے خُدا یا الٰہی تجھ سے ہے عطّار عاجز کی دُعا

Search Your Kalam

Madani Sehra – Naat Lyrics in اردو (Urdu)

More Kalam by Muhammad Ilyas Attar Qadri