Kuch Aisa Kar De Mere Kirdagar Aankhon Mein – Naat Lyrics in Roman English

Kuch aisa kar de mere kirdagar aankhon mein Hamesha naqsh rahe ruye yaar aankhon mein Na kaise ye gul-o-ghunche hon khwaar aankhon mein Labe hue hain Madine ke khaar aankhon mein Basa hua hai koi gul-e-izaar aankhon mein Khula hai chaar taraf lala-zaar aankhon mein Hawa hai jalwa-numa gul-e-izaar aankhon mein Khizaan ke daur mein phooli bahaar aankhon mein Suroor-o-noor ho dil mein bahaar aankhon mein Jo khwab mein kabhi aaye nigaar aankhon mein Woh noor de mere parwardigar aankhon mein Ke jalwa-gar rahe rukh ki bahaar aankhon mein Nazar ho qadmon par unke nisaar aankhon mein Banayein apna ho woh reh-guzar aankhon mein Na ek nigah hi sadqa ho dil bhi qurban ho Karam kare to woh naqa-sawaar aankhon mein Basar ke saath baseerat bhi khoob roshan ho Lagaun khaak-e-qadam baar baar aankhon mein Tumhare qadmon pe moti nisaar hone ko Hain beshumar meri ashkbaar aankhon mein Nazar na aaya qarar-e-dil-e-hazein ab tak Nigah rehti hai yun be-qarar aankhon mein Unhein na dekha to kis kaam ki hain ye aankhein Ke dekhne ki hai saari bahaar aankhon mein Nazar mein kaise samayein ge phool jannat ke Ke bas chuke hain Madine ke khaar aankhon mein Ajab nahin ke likha loh ka nazar aaye Jo naqsh-e-pa ka lagaun ghubar aankhon mein Mile jo khaak-e-qadam unki mujhko qismat se Lagaun surma na phir zeenhaar aankhon mein Madina jaan-e-chaman aur khizaan se aiman hai Lagaye khaak wahan ki hazaar aankhon mein Khule hain deedah-e-ushaq khwab-e-marg mein bhi Ke us nigaar ka hai intezar aankhon mein Khizaan ka daur hua door woh jahan aaye Hui hai qadmon se unke bahaar aankhon mein Ye ishtiyaq-e-tari deed ka hai jaan-e-jahan Dam aa gaya hai dam-e-ehtizar aankhon mein Ye aasman ke taare ye nargis-e-shahla Tera hi jalwa hai in beshumar aankhon mein Yeh dam hamara koi dam ka aur mehmaan hai Karam se lijiye dam bhar qarar aankhon mein Woh sabz sabz nazar aa raha hai gumbad-e-sabz Qarar aa gaya yun be-qarar aankhon mein Bahar-e-duniya hai faani na kar is par Hai koi dam ki yeh saari bahar aankhon mein Yeh gul yeh ghunche yeh gulshan ke bail aur boote Unhi ke dam ki hai saari bahar aankhon mein Yeh haal-e-zaar hai furqat mein tere muztar ka Ke ashk aate hain be-ikhtiyar aankhon mein Wahi mujhe nazar aayen jidhar nigah karoon Unhi ka jalwa rahe aashkar aankhon mein Yeh dil tadap ke kahin aankhon mein na aa jaye Ke phir raha hai kisi ka mazar aankhon mein Na aise phool khule hain kabhi na aage khilen Baharon mein hai Arab ki bahar aankhon mein Qareeb hai rag-e-gardan se par juda hai woh Na yaar dil mein kahin hai na yaar aankhon mein Yeh qurb aur yeh doori Khuda ki qudrat hai Ke hoga khuld mein deedar-e-yaar aankhon mein Karam yeh mujh pe kiya hai mere tasawwur ne Ke aaj khench di tasveer-e-yaar aankhon mein Farishto poochte ho mujh se kis ki ummat ho Lo dekh lo yeh hai tasveer-e-yaar aankhon mein Na sirf aankhein hi roshan hon dil bhi beena ho Agar woh aayen kabhi ek baar aankhon mein Hazaar aankhein hain taaron ki ek gul-e-mahtab Yeh ek phool hai jaise hazaar aankhon mein Yun hi hain mah-e-risalat bhi sab nabiyon mein Karor aankhon nahin be-shumar aankhon mein Yeh kya sawal hai mujh se ke kis ka banda hai Main jis ka banda hoon hai noor baar aankhon mein Hai aashkar nazar mein jahan ki nairangi Jama hai naqsha-e-lail-o-nahar aankhon mein Jama hua hai tasawwur mein rauza-e-wala Lab-e-huye hain woh lail-o-nahar aankhon mein Nahar chehra wala to gesu hain wal-lail Baham huye hain yeh lail-o-nahar aankhon mein Piya hai jaam-e-mohabbat jo Aap ne Noori Hamesha is ka rahe ga khumar aankhon mein

Search Your Kalam

Kuch Aisa Kar De Mere Kirdagar Aankhon Mein – Naat Lyrics in Roman English

More Kalam by Mustafa Raza Khan Qadri