Karam Jo Aap Ka Ae Syed-e-Abrar Ho Jaye – Naat Lyrics in Roman English

Karam jo aap ka ae Syed-e-Abrar ho jaye To har badkar banda dam mein nekokar ho jaye Jo momin dekhe tum ko mehram-e-asrar ho jaye Jo kafir dekh le tum ko to woh deendar ho jaye Jo sar rakh de tumhare qadmon pe sardar ho jaye Jo tum se sarkashi phere zaleel-o-khwar ho jaye Jo ho jaye tumhara us pe Haq ka pyar ho jaye Bane Allah wala woh jo tera yaar ho jaye Agar aaye woh jaan-e-noor mere khana-e-dil mein Mah-o-khawar mera ghar matla-e-anwar ho jaye Gham-o-ranj-o-alam aur sab balaon ka madawa ho Agar woh gesuon wala mera dildar ho jaye Inayat se mere sar par agar woh kafsh-e-pa rakh dein Yeh banda tajdaron ka bhi to sardar ho jaye Talatum kaisa hi kuch hai magar ae nakhuda-e-man Ishara aap farma dein to beda paar ho jaye Jo dooba chahta hai woh to dooba hua beda Ishara aap ka paye to maula paar ho jaye Tumhare faiz se lathi misal-e-shama roshan ho Jo tum lakdi ko chaho tez-tar talwar ho jaye Gunah kitne hi kaise hi hain par Rehmat-e-Aalam Shafa'at aap farmayein to beda paar ho jaye Bharram reh jaye mehshar mein na palla halka ho apna Ilahi mere palle par mera gham-khwar ho jaye Ishara paye to dooba hua sooraj bar-aamad ho Uthey ungli to mah-e-do balkay do do chaar ho jaye Tera tasdeeq karne wala hai Allah ka momin Tera munkir woh jis ko Haq se hi inkar ho jaye Mere saqi may-e-baqi pila de ek aalam ko Jo baqi aur pyasa hai tera may-e-khwar ho jaye Tumhare hukum ka bandha hua sooraj phire ulta Jo tum chaho ke shab din ho abhi sarkar ho jaye Tuana aur mazameen achay achay hain abhi baqi Magar bas bhi karo Noori na padhna baar ho jaye

Search Your Kalam

Karam Jo Aap Ka Ae Syed-e-Abrar Ho Jaye – Naat Lyrics in Roman English

More Kalam by Mustafa Raza Khan Qadri