Jo Nabi ka ghulam hota hai – Naat Lyrics in اردو (Urdu)

جو نبی کا غلام ہوتا ہے، قابلِ احترام ہوتا ہے جو کہ خوفِ خدا سے روتا ہو، قابلِ احترام ہوتا ہے جو غمِ مصطفٰے میں روتا ہو، قابلِ احترام ہوتا ہے جو بُرے خاتمے سے ڈرتا ہو، قابلِ احترام ہوتا ہے جو دے نیکی کی دعوت اے بھائی، قابلِ احترام ہوتا ہے جو بھی اپنائے ”مدنی انعامات“، قابلِ احترام ہوتا ہے جو بھی ہے ”قافلوں کا شیدائی“، قابلِ احترام ہوتا ہے جو بھی رہتا ہے ”مدنی حلیے“ میں، قابلِ احترام ہوتا ہے سنتیں اُن کی جو بھی اپنائے، حشر میں شاد کام ہوتا ہے درسِ فیضانِ سنت اے بھائی، گھر میں دینے سے کام ہوتا ہے بھیڑ میں جیسے حجرِ اسود کا، دور سے استلام ہوتا ہے یوں ہی عُشاق کا وطن رہ کر، ”دور سے بھی سلام ہوتا ہے“ ہائے دوری کو ہو گیا عرصہ، کب یہ حاضر غلام ہوتا ہے کب مدینے میں حاضری ہوگی، جانے کب میرا کام ہوتا ہے یا نبی یہ غلام کب حاضر، بہرِ عرضِ سلام ہوتا ہے جو مدینے کے غم میں روئے وہ، حشر میں شادِ کام ہوتا ہے جو دُرود و سلام پڑھتے ہیں، اُن پہ رب کا سلام ہوتا ہے کیا دبے دشمنوں سے وہ، حامی جس کا خیرُالأنام ہوتا ہے آزمائش ہے اُس کی دُنیا میں، جو یہاں نیک نام ہوتا ہے جو ہو اللہ کا ولی اُس کا، فیض دُنیا میں عام ہوتا ہے جی لگانے کی جا نہیں دُنیا، کس کو حاصل دوام ہوتا ہے دارِ فانی میں خوش رہے کیسے! جس کا مردوں میں نام ہوتا ہے موت ایماں پہ آتی ہے جس پر، فضلِ ربُّ الأنام ہوتا ہے قبر روشن اُسی کی ہو جس پر، فضلِ ربُّ الأنام ہوتا ہے بے سبب بخشش اُس کی ہو جس پر، فضلِ ربُّ الأنام ہوتا ہے بختور ہے مدینے میں جس کی، عُمر کا اختتام ہوتا ہے جس سے وہ خوش ہوں حشر میں حاصل، اُس کو کوثر کا جام ہوتا ہے دیکھو عطار کب میرا طیبہ، جانے والوں میں نام ہوتا ہے

Search Your Kalam

Jo Nabi ka ghulam hota hai – Naat Lyrics in اردو (Urdu)

More Kalam by Muhammad Ilyas Attar Qadri