جائے گی ہنستی ہوئی خلد میں امت ان کی – Naat Lyrics in اردو (Urdu)

جائے گی ہنستی ہوئی خلد میں اُمت اُن کی کب گوارا ہوئی اللہ کو رِقت اُن کی ابھی پھٹتے ہیں جگر ہم سے گنہگاروں کے ٹوٹے دِل کا جو سہارا نہ ہو رحمت اُن کی دیکھ آنکھیں نہ دکھا مہرِ قیامت ہم کو جن کے سایہ میں ہیں ہم دیکھی ہے صورت اُن کی حسنِ یوسف دَمِ عیسیٰ پہ نہیں کچھ موقوف جس نے جو پایا ہے پایا ہے بدولت اُن کی ان کا کہنا نہ کریں جب بھی وہ چاہیں ہم کو سرکشی اپنی تو یہ اور وہ چاہت اُن کی پار ہو جائے گا اِک آن میں بیڑا اپنا کام کر جائے گی محشر میں شفاعت اُن کی حشر میں ہم سے گنہگار پریشاں خاطر عفو رحمن و رحیم اور شفاعت ان کی خاکِ دَر تیری جو چہروں پہ ملے پھرتے ہیں کس طرح بھائے نہ اللہ کو صورت ان کی عاصیو کیوں غمِ محشر میں مرے جاتے ہو سنتے ہیں بندہ نوازی تو ہے عادت ان کی جلوۂ شانِ الٰہی کی بہاریں دیکھو قَد رَأَی الْحَق کی ہے شرح زیارت ان کی باغِ جنت میں چلے جائیں گے بے پوچھے ہم وقف ہے ہم سے مساکین پہ دولت ان کی یاد کرتے ہیں عدو کو بھی دعا ہی سے وہ ساری دنیا سے نرالی ہے یہ عادت ان کی ہم ہوں اور ان کی گلی خلد میں واعظ ہی رہیں اے حسن ان کو مبارک رہے جنت ان کی

Search Your Kalam

Jaayegi Hansti Hui Khuld Mein Ummat Un Ki – Naat Lyrics in اردو (Urdu)

More Kalam by Allama Hasan Raza Khan