Hum apni hasrat-e-dil ko mitane aaye hain Hum apni dil ki lagi ko bujhane aaye hain Dil-e-hazein ko tasalli dilane aaye hain Gham-e-firaq ko dil se mitane aaye hain Kareem hain woh nigah-e-karam se dekhein ge Hai daagh daagh-e-dil apna dikhane aaye hain Gham-o-alam yeh mita dein ge shad kar dein ge Hum apne gham ka qaziya chukane aaye hain Huzoor behr-e-khuda dastaan-e-gham sun lein Gham-e-firaq ka qissa sunane aaye hain Nigah-e-lutf-o-karam hogi aur phir hogi Ke zakhm-e-dil pe yeh marham lagane aaye hain Faqeer aap ke dar ke hain hum kahan jayein Tumhare koocha mein dhoni ramanay aaye hain Madina hum se faqeer aa ke loot jayein ge Dar-e-huzoor pe bistar jamane aaye hain Khuda ne ghaib diya hai inhein hai sab roshan Jo khatray dil hi mein chupanay chupanay aaye hain Khulay gi mere bhi dil ki gali ke jaan-e-janaan Chaman mein phool karam ke khilane aaye hain Kitab-e-Hazrat-e-Musa mein wasf hain in ke Kitab-e-Isa mein in ke fasanay aaye hain Inhein ki naat ke naghmay Zaboor se sun lo Zaban-e-Quran pe un ke taranay aaye hain Daba nahin woh falak se buland-o-bala hai Teh-e-zameen jisay sarwar dabanay aaye hain Naseeb jaag utha us ka chain se soya Woh jis ko qabr mein sarwar sulanay aaye hain Ajab karam hai ke khud mujrimon ke haami hain Gunahgaron ki bakhshish karanay aaye hain Sabhi rusul ne kaha Izh-haboo ila ghairi Ana laha ka yeh muzda sunanay aaye hain Zuban-e-Anbiya par aaj nafsi nafsi hai Magar huzoor-e-shafa'at ki thaanay aaye hain Kisi gareeb ke pallay pe waqt-e-wazn-e-amal Bahram-e-karam se yeh iska bananay aaye hain Woh parcha jis mein likha tha Durood usne kabhi Yeh is se nekiyan iski barhanay aaye hain Khuda se karte huye arz-e-Rabb-e-sallim-hu Sirat par yeh kisi ko chalanay aaye hain Zaban jo sookhi hui toh bahr-e-karam Kisi ko hauz pe sharbat pilanay aaye hain Hua hai hukm kisi ko ke naar mein jaye Yeh sun ke daud ke usko churanay aaye hain Ilahi door hon Najdi Hijaz se jaldi Hijaziyon ko yeh mauzi satanay aaye hain Naseeb tera chamak utha dekh toh Noori Arab ke chand lahad ke sarhanay aaye hain