Fauj-e-gham ki barabar charhai hai Daafi-e-gham tumhari duhai hai Umr khelon mein hum ne ganwayi hai Umr bhar ki yahi to kamayi hai Tum ne kab baat koi nibhayi hai Tum se jo aarzoo ki bar aayi hai Tum se har dam umeed bhulayi hai Mit sake jo hum mein burayi hai Tum ne kab aankh hum ko dikhayi hai Tum ne kab aankh hum se phirayi hai Tum ko aalam ka maalik kiya us ne Jis ki mamlook saari khudayi hai Kis ke qabze mein hain ye zameen-o-zamaan Kis ke qabze mein pyare khudayi hai Tu Khuda ka hua aur Khuda tera Tere qabze mein saari khudayi hai Jab Khuda khud tumhara hua to phir Kaun si cheez hai jo parayi hai Sab sifaat-e-Khuda ke ho tum mazhar Ek qabu se bahar khudayi hai Taaj rakha tere sar Rafa'na ka Kis qadr teri izzat barhayi hai Ambiya ko rasayi mili tum tak Bas tumhari Khuda tak rasayi hai Az zameen ta falak jin-o-ins-o-malak Jis ko dekho tumhara fadayi hai Rashk-e-sultan hai woh gada jis ne Tere koocha mein dhoni ramayi hai Meri taqdeer kar do bhali tum ne Qudrat-e-mahw-o-isbat payi hai Mera beda kinare lage pyare Nooh ki nau kis ne tarai hai Aag ko bagh kis ne kiya pyare Tum ne tum ne hi qudrat ye payi hai Mere dil ki lagi bhi bujha dijiye Nare Namrood kis ne bujhai hai Sharar afshaniyan kis ki hain ishq ki Aag seene mein jis ne lagayi hai Kash woh hashr ke din kahein mujh se Nare dozakh se tujh ko rihayi hai Khushbuye zulf se kooche mehke hain Kaise phoolon mein shaha basayi hai Pyare khushbu tumhare paseene ki Khuld ke phoolon se bhi sawai hai Baat woh atre firdous mein bhi nahin Tere malboos ne jo sunghayi hai Is Raza par ho Maula rizaye Haq Rah jis ne tumhari chalayi hai Nakhuda bakhuda aao bahre Khuda Meri kashti tabahi mein aayi hai Hein ye sadme teri hi furqat ke Roz afzoon ye darde judayi hai Taiba jaaun wahan se na wapis aaun Mere jee mein to ab ye samayi hai Mar raha hoon tum aao jiyun mein Sharbat-e-deed meri dawai hai Shauq-e-deedare Noori mein aye Noori Rooh khinch kar ab aankhon mein aayi hai