Do jahan mein koi tum sa doosra nahin Dhoondte phirte hain mehr-o-mah pata milta nahin Hai rag-e-gardan se aqrab nafs ke andar hai woh Yoon galay se mil ke bhi hai woh juda milta nahin Aab-e-bahr-e-ishq-e-janan seena mein hai maujzan Kaun kehta hai hamen aab-e-baqa milta nahin Aab-e-tegh-e-ishq pee kar zinda-e-javed ho Gham na kar jo chashma-e-aab-e-baqa milta nahin Doob to bahr-e-fana mein phir paye ga to Qabl az bahr-e-fana baqa milta nahin Duniya hai aur apna matlab be-gharz matlab koi Ashna milta nahin na-ashna milta nahin Zarra zarra khaak ka hai jis ke noor se Be-baseerat hai jisay woh mah-liqa milta nahin Zarra zarra se ayan hai aisa zahir ho ke bhi Qatre qatre mein nihan hai bar-mala milta nahin Jo Khuda deta hai usi Sarkar se Kuch kisi ko Haq se us dar ke siwa milta nahin Kya ilaaqa dushman-e-Mehboob ko Allah se Be-raza-e-Mustafa hargiz Khuda milta nahin Koi mange ya na mange milne ka dar hai yehi Be-ata-e-Mustafa mudda'a milta nahin Rehnumaon ki si soorat rah mari kaam hai Rahzan hain goy-go aur rehnuma milta nahin Ahle gehley hain mashaikh aaj kal har har gali Be-hama-o-ba-hama mard-e-Khuda milta nahin Hain safa-e-zahiri ke saaz-o-samaan khoob khoob Jis ka batin saaf ho woh ba-safa milta nahin Bar zaban tasbeeh-o-dar dil gao-khar ka daur hai Aise milte hain bohat is se wara milta nahin Bas yehi Sarkar hai is se hamesha payenge Dene wale dete hain kuch din sada milta nahin Door sahil mauj-e-hail paar beeda kijiye Nao hai manjdhaar mein aur nakhuda milta nahin Wasl-e-Maula chahte ho to waseela dhoond lo Be-waseela Najdio hargiz Khuda milta nahin Daman-e-Mehboob chhore mange khud Allah se Aise murak ko Khuda se mudda'a milta nahin Zarra zarra qatra qatra se ayan phir bhi nihan Ho ke sheh-rag se qareen tar hai juda milta nahin Taair-e-jaan ki tarah dil ur ke ja betha kahan Mere pehlu mein abhi tha kya hua milta nahin Dehr ye uljha hua hai dehr ke phandon mein yun Sara uljha samne hai aur sira milta nahin Ilm-e-Sane hota hai masnoo se lekin use Dekh kar masnoo Sane ka pata milta nahin Naimat-e-konain dete hain do aalam ko yehi Mang dekho un se tum dekho to kya milta nahin Sab se phir aaye hain ab Shah-e-Wala ke huzoor Juz tumhare Shafe-e-roz-e-jaza milta nahin Dardmandi ke liye Adam se ta Isa gaye De jo apne dard ki hukmi dawa milta nahin Jin se umeed-e-karam thi de diya sab ne jawab Aaj ke kaam aane wala hashar-wa milta nahin Yas ka aalam hai sab se aas tore aaye hain Zaat-e-Wala ke siwa aur aasra milta nahin Jal rahe hain phunk rahe hain aashiqan-e-sookhta Dhoop hai aur saya-e-zulf-e-rasa milta nahin Woh hain khursheed-e-risalat noor ka saya kahan Is sabab se saya-e-khair-ul-wara milta nahin Dushman-e-jaan se kahin badtar hai dushman-e-deen ka Un ke dushman se kabhi un ka gada milta nahin Qasim-e-Naimat se hum maangein toh Najdi yun kahein Kyun Nabi se maangiye Allah se kya milta nahin Mustafa Ma Jaa-a Illa Rahmatal-lil-Alameen Chara saaz-e-do sara tere siwa milta nahin Khud Khuda be-wasta de yeh hamara munh kahan Wasta Sarkar hain be-wasta milta nahin Hum toh hum woh Ambiya ke bhi liye hain wasta Unko bhi jo milta hai be-wasta milta nahin Ambiya baaz Auliya faaiz hain us Sarkar mein Har wali ko rasta be-wasta milta nahin Donon aalam paate hain sadqa isi Sarkar ka Khud Khuda se paaye jo unke siwa milta nahin Zan zameen o zor aur zar ke hain gaahak har kahin Dil se jo ho talib-e-zikr-e-Khuda milta nahin Chaar za ek daal ke badle mein lein chaukas rahe Yeh na samjhe yeh ikayi sekra milta nahin Daad-e-duniya kaisa uff sunte nahin faryaad bhi Sunne wala dard ka koi shaha milta nahin Baap maa bhai behen farzand o zan ek ek juda Gam-zada har ek hai aur gam-zada milta nahin Jo mohabbat ki cheez hai mehboob ke qabze ki hai Hath mein ho jiske sab kuch usse kya milta nahin Dil sitani karne wale hain hazaron dilruba Dil nawazi karne wala dilruba milta nahin Dil gaya achha hua uska nahin gam gam hai yeh Le gaya pehlu se jo woh dilruba milta nahin Muhi-e-Sunnat hami-e-Millat woh Mujaddid deen ka Paikar-e-Rushd o Huda Ahmad Raza milta nahin Be-nawa ko be-sada milta hai us Sarkar se Doodh bhi bete ko maa se be-sada milta nahin Kis tarah ho hazir-e-dar Noori be-par shaha Naake roke dushmanon ne rasta milta nahin