Bahut ranjeeda o ghamgeen hai dil Ya Rasool Allah – Naat Lyrics in اردو (Urdu)

بہت رنجیدہ و غمگین ہے دل یا رسول اللہ کرم کر دو کلی دل کی اُٹھے کھل یا رسول اللہ بلاؤں نے مجھے ہر سمت سے کچھ ایسا گھیرا ہے مرے بڑھتے ہی جاتے ہیں مسائل یا رسول اللہ پئے امداد اپنے شیرِ حمزہ کو شہا بھیجو مرے پیچھے پڑا ہے ہائے! قاتل یا رسول اللہ دلِ مغموم کا سب حال آقا تم پہ ظاہر ہے شہاً! ہوں مرہمِ تسکیں کا سائل یا رسول اللہ غم و آلام کا مارا ہوں آقا بے سہارا ہوں مری آسان ہو ہر ایک مشکل یا رسول اللہ تمہیں دیتا ہوں مولیٰ واسطہ میں چار یاروں کا مرے ہو جائیں طے مشکل مراحل یا رسول اللہ جو تو چاہے تو میرے غم کی بیڑی گر پڑے کٹ کر نہیں تیرے لئے کوئی مشکل یا رسول اللہ مسلماں آہ! غافل ہو گئے نیکی کی دعوت سے بڑھا جاتا ہے ہائے! زورِ باطل یا رسول اللہ شہاً منڈلا رہی ہے موت سر پر پھر بھی میرا نفس گناہوں کی طرف ہر دم ہے مائل یا رسول اللہ بڑھا جاتا ہے ہر دم آہ! غلبہ نفس و شیطاں کا یہ ہر نیکی میں ہو جاتے ہیں حائل یا رسول اللہ گناہوں کے سبھی امراض آقا دور فرما دو سنور جائیں مرے سب بدخصائل یا رسول اللہ نہ لندن کی نہ پیرس کی نہ امریکہ کی ہے خواہش مدینہ ہی ہماری تو ہے منزل یا رسول اللہ شفاعت حشر میں فرماؤ گے جب خوش نصیبوں کی مجھے کر لینا آقا ان میں شامل یا رسول اللہ کرم کر دو بجز عصیاں نہیں ہے کچھ بھی نامے میں عبادت ہے نہ پلے ہیں نوافل یا رسول اللہ ہمارے زخم ہائے غم رسولِ پاک بھر جائیں جگر ہو تیرے غم میں کاش! گھائل یا رسول اللہ کچھ ایسی آگ کی لگا دو میرے سینے میں میں تڑپوں خوب تڑپوں مثلِ بسمل یا رسول اللہ ترے اخلاق پر قرباں ترے اوصاف پر واری مسلماں کیا عدو بھی تیرا قائل یا رسول اللہ شہاً جب خُلد میں آپ آگے آگے جائیں اس دم میں بھی ہو جاؤں پیچھے پیچھے داخل یا رسول اللہ ابھی بن جائے بگڑی تیرے اک ادنیٰ اشارے سے ترے عطارؔ کے حل ہوں مسائل یا رسول اللہ

Search Your Kalam

Bahut ranjeeda o ghamgeen hai dil Ya Rasool Allah – Naat Lyrics in اردو (Urdu)

More Kalam by Muhammad Ilyas Attar Qadri