باغِ جنت کے ہیں بہرِ مدحِ خوانِ اہلِ بیت – Naat Lyrics in اردو (Urdu)

باغِ جنت کے ہیں بہرِ مدحِ خوانِ اہلِ بیت تم کو مُژدہ نار کا اے دُشمنانِ اہلِ بیت کس زباں سے ہو بیاں عِز و شانِ اہلِ بیت مدح گوئےِ مصطفیٰ ہے مدح خوانِ اہلِ بیت ان کی پاکی کا خدائے پاک کرتا ہے بیاں آیہِ تطہیر سے ظاہر ہے شانِ اہلِ بیت مصطفیٰ عِزت بڑھانے کے لیے تعظیم دیں ہے بلند اقبال تیرا دُودمانِ اہلِ بیت اُن کے گھر میں بے اجازت جبریل آتے نہیں قدر والے جانتے ہیں قدر و شانِ اہلِ بیت مصطفیٰ بائع خریدار اس کا اللہ مشتری خوب چاندی کر رہا ہے کاروانِ اہلِ بیت رزم کا میداں بنا ہے جلوہ گاہِ حُسن و عشق کربلا میں ہو رہا ہے اِمتحانِ اہلِ بیت پھول زخموں کے کھلائے ہیں ہوائے دوست نے خون سے سینچا گیا ہے گُلستانِ اہلِ بیت حوریں کرتی ہے عروسانِ شہادت کا سنگار خوبرو دولہا بنا ہے ہر جوانِ اہلِ بیت ہو گئی تحقیق عیدِ دیدِ آبِ تیغ سے اپنے روزے کھولتے ہیں صائمانِ اہلِ بیت جمعہ کا دن ہے زیست کی طے کر کے آج کھیلتے ہیں جاں پر شہزادگانِ اہلِ بیت اے شبابِ فصلِ گُل یہ چل گئی کیسی ہوا کٹ رہا ہے لہلہاتا بُوستانِ اہلِ بیت کس شقی کی ہے حکومت ہائے کیا اندھیر ہے دن دہاڑے لُٹ رہا ہے کاروانِ اہلِ بیت خشک ہو جا خاک ہو کر خاک میں مل جا فرات خاک تجھ پر دیکھ تو سوکھی زبانِ اہلِ بیت خاک پر عباس و عثمانِ علمدار ہیں بیکسی اب کون اٹھائے گا نشانِ اہلِ بیت تیری قدرت جانور تک آب سے سیراب ہوں پیاس کی شدت میں تڑپے بے زبان اہلِ بیت قافلہ سالارِ منزل کو چلے ہیں سونپ کر وارثِ بے وارثاں کو کارواں اہلِ بیت فاطمہ کے لاڈلے کا آخری دیدار ہے حشر کا ہنگامہ برپا ہے میانِ اہلِ بیت وقت رخصت کہہ رہا ہے خاک میں ملتا سہاگ لو سلامِ آخری اے بیوگانِ اہلِ بیت ابرِ فوجِ دشمناں میں اے فلک یوں ڈوب جائے فاطمہ کا چاند مہرِ آسماں اہلِ بیت کس مزے کی لذتیں ہیں آبِ تیغِ یار میں خاک و خوں میں لوٹتے ہیں تشنگانِ اہلِ بیت باغِ جنت چھوڑ کر آئے ہیں محبوبِ خدا اے زہے قسمت تمہاری کشتگانِ اہلِ بیت حوریں بے پردہ نکل آئیں سر کھولے ہوئے آج کیسا حشر ہے یارب میانِ اہلِ بیت کوئی کیوں پوچھے کسی کو کیا غرض اے بیکسی آج کیسا ہے مریضِ نیم جاں اہلِ بیت گھر لٹانا جان دینا کوئی تجھ سے سیکھ جائے جانِ عالم ہو فدا اے خاندان اہلِ بیت سرِ شہیدانِ محبت کے ہیں نیزوں پر بلند اور اونچی خدا نے قدر و شانِ اہلِ بیت دولتِ دیدار پائی پاک جانیں بیچ کر کربلا میں خوب ہی چمکی دکانِ اہلِ بیت زخم کھانے کو تو آبِ تیغ پی لینے کو دیا خوب دعوت کی بلا کر دُشمنانِ اہلِ بیت اپنا سودا بیچ کر بازار سونا کر گئے کون سی بستی بسائی تاجرانِ اہلِ بیت اہلِ بیتِ پاک سے گستاخیاں بے باکیاں لَعْنَةُ اللّٰہِ عَلَیْکُمْ دُشمنانِ اہلِ بیت بے ادب گستاخ فرقہ کو سنا دے اے حسن یوں کہا کرتے ہیں سُنی داستانِ اہلِ بیت

Search Your Kalam

Bagh-e-Jannat ke hain bahr-e-madh-e-khwan-e-Ahl-e-Bait – Naat Lyrics in اردو (Urdu)

More Kalam by Allama Hasan Raza Khan