اللہ اللہ ترا دربار رسولِ عربی تیرا دربار کرم بار رسولِ عربی بے کسوں کے ہو مددگار رسولِ عربی غمزدوں کے بھی ہو غمخوار رسولِ عربی گلِ خدائی کے ہو مختار رسولِ عربی تم رسولوں کے بھی سردار رسولِ عربی اک نظر یاشہِ ابرار رسولِ عربی بس تراہ ی رہوں بیمار رسولِ عربی پھر دکھا دو مجھے اک بار رسولِ عربی تم مدینے کا وہ گلزار رسولِ عربی سامنے ہوں ترے مینار رسولِ عربی گُنبدِ سبز کے انوار رسولِ عربی تیرا صحرا، ترا کہسار رسولِ عربی اور ہو یہ بدکار رسولِ عربی تیری دیوار کو چوموں ترا دروازہ بھی دھول بھی پھول بھی اور خار رسولِ عربی بُوں ہی روتا ہوا آؤں میں ترے روضے پر کاش! اُسی آن ہو دیدار رسولِ عربی کوئی خالی نہیں لوٹا کبھی در سے آقا ہے سخی آپ کا دربار رسولِ عربی کوئی دولت، کوئی ثروت، کوئی شہرت چاہے میں فقط تیرا طلبگار رسولِ عربی آتشِ عشق بھڑکتی ہی رہے سینے میں بس تڑپتا رہوں سرکار! رسولِ عربی آپ کے ہجر کا غم کاش رُلائے مجھ کو خون روتا رہوں سرکار! رسولِ عربی ہو مدینے ہی مدینہ مرے لب پر اے کاش ہر گھڑی ہو یہی تکرار رسولِ عربی مجھ کو دیوانہ بنا لو شہِ والا اپنا میرے سرور میرے سردار رسولِ عربی تیرے دربارِ گوہر بار کے سب سائل ہیں اغنیا بھی ہوں نادار رسولِ عربی تیرے دیوانے تڑپتے ہیں مدینے کے لیے وہ بھی دیکھیں ترا دربار رسولِ عربی دُورِ سُنت سے مسلماں ہوئے جاتے ہیں آہ! فیشن کی ہے یلغار رسولِ عربی سُنتوں کا ہو عطا درد مسلمانوں کو دُور فیشن کی ہو بھرمار رسولِ عربی میرا سینہ تری سُنت کا مدینہ بن جائے سُنتوں کا کروں پرچار رسولِ عربی جامِ دیدار پلا دو مرے آقا! اب تو آنکھ ہے کب سے طلبگار رسولِ عربی مشکلیں میری ہوں آسان برائے مرشد میرے حامی، مرے غمخوار رسولِ عربی واسطہ غوث و رضا کا سرِ بالیں آجا جاں بلب ہے ترا بیمار رسولِ عربی مسکراتے ہوئے عشاق چلے دُنیا سے قبر میں ہوگا جو دیدار رسولِ عربی حُبِ دُنیا میں گرفتار ہے نفسِ ظالم اَلْمَدَد یا شہِ ابرار! رسولِ عربی دل پہ شیطاں نے آکر جمایا قبضہ ہوں گناہوں میں گرفتار رسولِ عربی آہ! بڑھتا ہی چلا جاتا ہے مرضِ عصیاں دو شفا سیدِ ابرار! رسولِ عربی میں گنہگار، سیہ کار و خطا کار سہی پر ہوں کس کا؟ ترا سرکار! رسولِ عربی میری ہر خصلتِ بد دُور ہو جانِ عالم! نیک بن جاؤں میں سرکار! رسولِ عربی گرمیِ حشر سے بے تاب ہوں شاہِ کوثر ہو نظر سوئے گنہگار رسولِ عربی اب تو سرکار! ہو عطار پہ نظرِ رحمت کہہ دو اپنا سگِ دربار رسولِ عربی