Aakhri rozay hain dil-e-ghamnak muztar-e-jaan hai – Naat Lyrics in اردو (Urdu)

آخری روزے ہیں دلِ غمناک مُضْطَر جان ہے حسرتا وا حسرتا اب چل دیا رمضان ہے عاشقانِ ماہِ رمضان رو رہے ہیں پھوٹ کر دل بڑا بے چین ہے اَفْسُرْدَہ روح و جان ہے درد و رِقّت سے پچھاڑیں کھا کے روتا ہے کوئی تو کوئی تصویرِ غم بن کر کھڑا حیران ہے اَلْفِرَاق آہ اَلْفِرَاق اے رب کے مہماں اَلْفِرَاق اَلْوَدَاع اب چل دیا تو اے مہِ رمضان ہے داستانِ غم سنائیں کس کو جا کر آہ! ہم یَارَسُولَ اللہ دیکھو چل دیا رمضان ہے خوب روتا ہے تڑپتا ہے غمِ رمضان میں جو مسلماں قَدْر دان و عاشقِ رمضان ہے روتے روتے ہچکیاں بندھ جاتی ہیں عُشّاق کی تجھ میں کیسا سوز اے اللہ کے مہماں ہے تیری فُرقت میں ترے عاشق کا دل ٹکڑے ہوا اور سینہ چاک تیرے ہجر میں رمضان ہے وقتِ اِفطار و سَحَر کی رونقیں ہوں گی کہاں! چند دن کے بعد یہ سارا سماں سُنسان ہے تیری آمد سے دلِ پُژمُردہ کھل اٹھے مگر جلد تڑپا کر ہمیں تُو چل دیا رمضان ہے ہائے صد افسوس! رمضان کی نہ ہم نے قَدْر کی بے سبب ہی بخش دے یارب کہ تُو رَحْمٰن ہے ماہِ رمضان تجھ میں جو روزے نہیں رکھتا کوئی وہ بڑا محروم ہے بدبخت ہے نادان ہے کر رہے ہیں تجھ کو رو رو کر مسلماں اَلْوَدَاع آہ! اب تُو چند گھڑیوں کا فقط مہماں ہے روک سکتے ہی نہیں ہائے تجھے اب کیا کریں! سب کو روتا چھوڑ کر تُو چل دیا رمضان ہے اَلسَّلَام اے ماہِ رمضان تجھ پہ ہوں لاکھوں سلام ہِجْر میں اب تیرا ہر عاشق ہوا بے جان ہے چند آنسو نذر ہیں بس اور کچھ پلے نہیں نیکیوں سے آہ! یہ خالی میرا دامان ہے واسطہ رمضان کا یارب! ہمیں تُو بخش دے نیکیوں کا اپنے پلے کچھ نہیں سامان ہے دست بستہ التجا ہے ہم سے راضی ہو کے جا بخنوانا حشر میں ہاں تُو مِیہ غفران ہے کاش! آتے سال ہو عطار کو رمضان نصیب یَانَبِی! میٹھے مدینے میں بڑا ارمان ہے

Search Your Kalam

Aakhri rozay hain dil-e-ghamnak muztar-e-jaan hai – Naat Lyrics in اردو (Urdu)

More Kalam by Muhammad Ilyas Attar Qadri