Tere dar se mangton ka guzara ya Muhammad Shah – Naat Lyrics in Roman English

Tere dar se mangton ka guzara Ya Muhammad Shah Yeh sun kar main ne bhi daaman pasara Ya Muhammad Shah Meri qismat ka chamka do sitara Ya Muhammad Shah Dikha do apna chehra pyara pyara Ya Muhammad Shah Gunaahon ke marz ne neem jaan hai kar diya mujh ko Tumhein aakar karo ab koi chara Ya Muhammad Shah Gham-e-Shah-e-Madina mujh ko tum aisa ata kar do Jigar tukre ho dil bhi para para Ya Muhammad Shah Hui jati hai ujar ab meri umeed ki kheti Bharan barsa do rehmat ki Khudaya Muhammad Shah Mere dulha mere ujre gulistan mein bahar aaye Khazan ka rukh phira do ab Khudara Ya Muhammad Shah Madine ka bana do aisa deewana mujhe dulha Phirun diwangi mein mara mara ya Muhammad Shah Garajte badalon ka shor chalti aandhiyon ka zor Larzta hai kaleja do sahara ya Muhammad Shah Meri kashti bhanwar mein phans gayi hai haye barbadi Main dooba tum bacha lo ab khudara ya Muhammad Shah Bachalo dushmanon ke waar se lillah main ne hai Badi umeed se tum ko pukara ya Muhammad Shah Shaha khairat lene ko salateen-e-zamana ne Tere darbar mein daman pasara ya Muhammad Shah Sudharo mere dulha mujh nikame aur bigde ko Na jane tum ne kitnon ko sudhara ya Muhammad Shah Khuda ke khauf se roye Nabi ke ishq mein roye Ata kar do woh chashm-e-tar khudara ya Muhammad Shah Agarcha lakh papiya hai magar Attar kis ka hai Tumhara hai tumhara hai tumhara ya Muhammad Shah

Search Your Kalam

Tere dar se mangton ka guzara ya Muhammad Shah – Naat Lyrics in Roman English

More Kalam by Muhammad Ilyas Attar Qadri