Tere dar se hai mangton ka guzara ya shah-e-Baghdad – Naat Lyrics in Roman English

Tere dar se hai mangton ka guzara ya shah-e-Baghdad Yeh sun kar main ne bhi daman pasara ya shah-e-Baghdad Meri qismat ka chamka do sitara ya shah-e-Baghdad Dikha do apna chehra pyara pyara ya shah-e-Baghdad Ijazat do ke main Baghdad hazir ho ke phir karlun Tumhare neele gumbad ka nazara ya shah-e-Baghdad Gham-e-Shah-e-Madina mujh ko tum aisa ata kar do Jigar tukre ho dil bhi para para ya shah-e-Baghdad Madine ka bana do tum mujhe kuch aisa deewana Phirun diwangi mein mara mara ya shah-e-Baghdad Khuda ke khauf se roye Nabi ke ishq mein roye Ata kar do woh chashm-e-tar khudara ya shah-e-Baghdad Gunahon ke marz ne kar diya hai neem jaan mujh ko Tumhein aa ke karo ab koi chara ya shah-e-Baghdad Mujhe acha bana do murshidi be-shak yaqeenan hain Mere halaat tum par aashkara ya shah-e-Baghdad Sudharo murshidi lillah apne dheet bande ko Na jaane tum ne kitnon ko sudhara ya shah-e-Baghdad Hui jaati hai ujar ab meri umeed ki kheti Bharn barsa do rehmat ki khudara ya shah-e-Baghdad Karam Meeran abr se ujre gulistan mein bahar aaye Khizan ka rukh phira do ab khudara ya shah-e-Baghdad Shah! Khairaat lene ko salateen-e-zamana ne Tere darbar mein daman pasara ya shah-e-Baghdad Garajte badlon ka shor chalti aandhiyon ka zor Larzta hai kaleja do sahara ya shah-e-Baghdad Bachalo dushmanon ke waar se ya Ghous-e-Jilani Badi umeed se tum ko pukara ya shah-e-Baghdad Wasila chaar yaron ka khuda se bakhshwa dije Karam farmayiye mujh par khudara ya shah-e-Baghdad Agarcha lakh paapi hai magar Attar kis ka hai? Tumhara hai tumhara hai tumhara ya shah-e-Baghdad

Search Your Kalam

Tere dar se hai mangton ka guzara ya shah-e-Baghdad – Naat Lyrics in Roman English

More Kalam by Muhammad Ilyas Attar Qadri