Subh-e-Taiba Mein Hui Bata Hai Baara Noor Ka – Naat Lyrics in Roman English

Subh-e-Taiba mein hui bata hai baara noor ka Sadqa lene noor ka aaya hai tara noor ka Baagh-e-Taiba mein suhana phool phoola noor ka Mast bu hain bulbulen padhti hain kalma noor ka Barahwin ke chand ka mujra hai sajda noor ka Barah burjon se jhuka ek ek sitara noor ka Unke qasr-e-qadr se khuld ek kamra noor ka Sidra payen baagh mein nanha sa pauda noor ka Arsh bhi firdaus bhi us shah-e-wala noor ka Yeh mutaman burj woh mishkat-e-aala noor ka Aayi bid'at chhayi zulmat rang badla noor ka Maah-e-sunnat mehr-e-tal'at le le badla noor ka Tere hi maathe raha ae jaan-e-sehra noor ka Bakht-e-jaaga noor ka chamka sitara noor ka Main gada tu baadshah bhar de pyala noor ka Noor din duna tera de daal sadqa noor ka Teri hi janib hai paanchon waqt sajda noor ka Rukh hai qibla noor ka abru hai kaaba noor ka Pusht par dhalka sar-e-anwar se shamla noor ka Dekhein Musa Toor se utra saheefa noor ka Taaj wale dekh kar tera amama noor ka Sar jhukate hain Ilahi bol baala noor ka Baini pur-noor par rakhshan hai bukka noor ka Hai liwaul hamd par udta phariya noor ka Mus-haf-e-aariz pe hai khat-e-shafeea noor ka Lo siya karu mubarak ho qabala noor ka Aab-e-zar banta hai aariz par paseena noor ka Mus-haf-e-ijaaz par chadhta hai sona noor ka Pech karta hai fida hone ko lam-a noor ka Gard-e-sar phirne ko banta hai amama noor ka Haibat-e-aariz se tharata hai shola noor ka Kafsh-e-pa par gir ke ban jata hai gapha noor ka Shama-e-dil mishkat-e-tan seena zujaja noor ka Teri surat ke liye aaya hai surah noor ka Mail se kis darja suthra hai woh putla noor ka Hai gale mein aaj tak kora hi girta noor ka Tere aage khaak par jhukta hai maatha noor ka Noor ne paya tere sajde se seema noor ka Tu hai saya noor ka har uzv tukda noor ka Saya ka saya na hota hai na saya noor ka Kya bana naam-e-Khuda Isra ka dulha noor ka Sar pe sehra noor ka bar mein shahana noor ka Bazm-e-wahdat mein maza hoga dubala noor ka Milne shama-e-Toor se jata hai ikka noor ka Wasf-e-rukh mein gaati hain hoorein tarana noor ka Qudrati beenon mein kya bajta hai lehra noor ka Yeh kitab-e-kun mein aaya hai tarfa aaya noor ka Ghair qail kuch na samjha koi maana noor ka Dekhne walon ne kuch dekha na bhala noor ka Munh raayi kaisa yeh aaina dikhaya noor ka Subh kar di kufr ki saccha tha muzda noor ka Shaam hi se tha shab-e-teera ko dhadka noor ka Padti hai noori bharan umda hai dariya noor ka Sar jhuka ae rusht-e-kufr aata hai ahle noor ka Naariyon ka daur tha dil jal raha tha noor ka Tum ko dekha ho gaya thanda kaleja noor ka Naskh-e-adyan kar ke khud qabza bithaya noor ka Tajwar ne kar liya kaccha ilaqa noor ka Jo gada dekho liye jata hai toda noor ka Noor ki sarkar hai kya is mein toda noor ka Bheek le sarkar se la jald kasa noor ka Mah-e-nau Taiba mein batta hai mahina noor ka Dekh un ke hote naziya hai dawa noor ka Mehr likh de yaan ke zarron ko michka noor ka Yaan bhi daagh-e-sajda-e-Taiba hai tamgha noor ka Ae qamar kya tere hi maathe hai teeka noor ka Shama saan ek ek parwana hai us ba-noor ka Noor-e-haq se lo lagaye dil mein rishta noor ka Anjuman wale hain anjam bazm-e-halqa noor ka Chand par taaron ke jhurmat se hai hala noor ka Teri nasl-e-paak mein hai bacha bacha noor ka Tu hai ain-e-noor tera sab gharana noor ka Noor ki sarkar se paya doshala noor ka Ho mubarak tum ko Zun-Noorain jora noor ka Kis ke parde ne kiya aina andha noor ka Mangta phirta hai aankhen har nagina noor ka Ab kahan woh tabishen kaisa woh tarka noor ka Mehr ne chup kar kiya khasa dhandlka noor ka Tum muqabil the to pahron chand barhta noor ka Tum se chhat kar munh nikal aaya zara sa noor ka Qabr-e-Anwar kahiye ya qasr-e-mu'alla noor ka Charkh-e-atlas ya koi sada sa qubba noor ka Aankh mil sakti nahi dar par hai pehra noor ka Taab hai be-hukm par maare parinda noor ka Naz'a mein laute ga khak-e-dar pe shaida noor ka Mar ke orhay gi uroos-e-jaan dupatta noor ka Taab-e-mehr-e-hashr se chaunke na kushta noor ka Bundiyan rehmat ki dene aayen cheenta noor ka Waza-e-waze mein teri surat hai ma'ni noor ka Yoon majazan chahen jis ko keh den kalma noor ka Ambiya ajza hain to bilkul hai jumla noor ka Is ilaaqe se hai un par naam sacha noor ka Yeh jo mehr-o-mah pe hai itlaaq aata noor ka Bheek tere naam ki hai ist'aara-e-noor ka Sur mein aankhen hareem-e-haq ke woh mushkilen ghazal Hai faza-e-la-makaan tak jin ka ramna noor ka Taab-e-husn-e-garm se khul jayenge dil ke ganwal Nau baharen layega garmi ka jhalka noor ka Zarrey mehr-e-quds tak tere tawasut se gaye Had-e-awsat ne kiya sughra ko kubra noor ka Sabza-e-gardoon jhuka tha bahr-e-pa bos-e-buraq Phir na seedha ho saka khaya woh kora noor ka Taab-e-sum se chaundhiya kar chand uthen qadmon phira Hans ke bijli ne kaha dekha chhalaawa noor ka Deed-e-naqsh-e-sum ko nikli saat pardon se nigah Putliyan bolin chalo aaya tamasha noor ka Aks-e-sum ne chand suraj ko lagaye chaar chand Par gaya seem-o-zar-e-gardoon pe sikka noor ka Chand jhuk jata jidhar ungli uthate mahd mein Kya hi chalta tha isharon par khilona noor ka Ek seena tak mushaba ek wahan se paon tak Husn-e-Sibtain unke jamon mein hai neema noor ka Saaf shakal-e-pak hai donon ke milne se ayan Khat-e-toam mein likha hai yeh do warqa noor ka Kaj gesu dahan mayi abru ankhein a sa Teh-e-as unka hai chehra noor ka Ae Raza yeh Ahmad-e-Noori ka faiz-e-noor hai Hogayi meri ghazal barh kar qasida noor ka

Search Your Kalam

Subh-e-Taiba Mein Hui Bata Hai Baara Noor Ka – Naat Lyrics in Roman English

More Kalam by Ala Hazrat Imam Ahmad Raza Khan Qadri