Duaon aur nasihaton bhara rukhsati nama apni madani beti bint....... ke naam Fazl-e-Rab se bint........... dulhan bani Phool khushiyon ke khile chadar haya ki hai tani Tujh ko ho shadi mubarak ho rahi hai rukhsati Rukhsati mein teri panhai qamar ki hai rukhsati Ghar tera ho mushkbar aur zindagi bhi pur bahaar Rab ho raazi khush hon tujh se do jahan ke tajdar Madani beti ka khudaya ghar sada abad rakh Fatima-tu-Zahra ka sadqa do jahan mein shad rakh Yeh miyan biwi ilahi makr-e-shaitan se bachein Yeh namazein bhi parhein aur sunnaton par bhi chalein Yeh miyan biwi chalein hajj ko ilahi! baar baar Baar baar in ko madina bhi dikha parwardigar ..................................................... Madina Ae posheeda ae khush Tera susral apne Rab ke fazl se khush-haal ho Tera maika bhi karam se Rab ke mala-maal ho Tu na ghaflat karna shohar ki ita'at se kabhi Warna tu ae pyari beti hashr mein pachhtaye gi Madani beti ya Khuda ghusse ki ho hargiz na tez Yeh kare susral mein har dam ladai se gurez Yad rakh! tu aaj se bas tera ghar susral hai Saas nandon par bigarna aafton ka jaal hai Maan samajh kar jo huwa karti hai khidmat saas ki Raaj karti hai sada saare gharane par wahi Saas nandon ki tu khidmat kar ke ho ja kamyab Un ki gheebat kar ke mat kar baithna khana kharab Saas aur nandein agar sakhti karein to sabr kar Sabr kar bas sabr kar chalta rahe ga tera ghar Saas aur nandon ka shikwa apne maike mein na kar Is tarah barbad ho sakta hai beti tera ghar Maike ke mat kar fazail tu bayan susral mein Ab samajh susral hi ko apna ghar har haal mein Yad rakh tu ne zaban kholi agar susral mein Phans ke tu jhagron ke sun reh jaye gi janjal mein Saas chini tu bhi sunhari aur ladai than gayi Hai kahan bhool ek ki do hath se taali baji Dars de 'Faizan-e-Sunnat' se sada susral mein Deeni mahol is tarah ban jaye ga susral mein Gar nasihat par amal Attar ki hoga tera InshaAllah apne ghar mein tu sukhi hogi sada