Parda-e-Rukh-e-Anwar se jo utha Shab-e-Meraj Jannat ka huwa rang dubala Shab-e-Meraj Hooron ne bhi gaya yeh tarana Shab-e-Meraj Khaliq ne Muhammad ko bulaya Shab-e-Meraj Gesu khulay ghanghor ghata uthi keh hum par Baran-e-Karam jhoom ke barsa Shab-e-Meraj Ay Rahmat-e-Alam teri rahmat ke tasadduq Hur ek ne paya tera sadqa Shab-e-Meraj Jis waqt chali Shah-e-Madina ki sawari Sajday mein jhuka Arsh-e-Mualla Shab-e-Meraj Khursheed-o-Qamar arz-o-sama arsh-o-malaik Kis ne nahin paya tera sadqa Shab-e-Meraj Woh josh tha anwar ka aflak ke oopar Milta na tha nazara ko rasta Shab-e-Meraj Mehman bulane ke liye apne Nabi ko Allah ne Jibreel ko bheja Shab-e-Meraj Yeh shan-e-jalalat keh nihayat hi adab se Jibreel ne Aaqa ko jagaya Shab-e-Meraj Jibreel bhi hairan huay dekh ke rutba Sidra se qadam jab keh badhaya Shab-e-Meraj Jibreel thakay ho gaye sarkar rawana Munh takta huwa reh gaya Sidra Shab-e-Meraj Hamrah sawari ke thin afwaj-e-malaik Ban kar chalay us shan se dulha Shab-e-Meraj Yun Masjid-e-Aqsa mein namaz us ne padhai Talib se milay parh ke dogana Shab-e-Meraj Har ek Nabi balkeh sab aflak ke qudsi Parhte thay shehanshah ka khutba Shab-e-Meraj Jaan-e-dojahan rifat-e-sarkar pe qurban Kehta tha yeh barh barh kar Rafa'na Shab-e-Meraj Muddat se jo arman tha woh aaj nikala Hooron ne kiya khoob nazara Shab-e-Meraj Aarasta ho khuld muadab hon farishtay Yun hatif-e-ghaibi ne pukara Shab-e-Meraj Peham chali aati thin duaon ki sadayen Har raat Nabi ki ho khudaya Shab-e-Meraj Thi rasta bhar un pe duroodon ki nichawar Bandha gaya tasleem ka sehra Shab-e-Meraj Dulha thay Muhammad to barati thay farishtay Is shan se pohanchay meray Maula Shab-e-Meraj Allah ki rahmat se woh mehka gul-e-wahdat Khushboo se basa alam-e-bala Shab-e-Meraj Roshan huay sab arz-o-sama noor se us ke Jab Mah-e-Arab arsh pe chamka Shab-e-Meraj Tha charkh-e-chaharum pe koi Toor ke oopar Sarkar gaye arsh se bala Shab-e-Meraj Jab pohanchay maqam-e-Fatadalla pe Muhammad Khaliq se raha kuch bhi na parda Shab-e-Meraj Ay Salli Ala bazm-e-tadalla mein pohanch kar Is zaat mein gum ho gaye Aaqa Shab-e-Meraj Mumkin hi nahin aql-e-do alam ki rasai Aisa diya Allah ne rutba Shab-e-Meraj Arsh-o-mulk-o-arz-o-sama jannat-o-dozakh Is Shah ne har cheez ko dekha Shab-e-Meraj Tafseel se ki sair magar us pe ye turra Ek pal mein ye tay ho gaya rasta-e-shab-e-meraj Zanjeer-e-dar-e-pak ki hilti hui payi Aur garm tha wo bistar-e-aala shab-e-meraj Ae mah-e-madina teri tanweer ke qurban Chamka diya ummat ka naseeba shab-e-meraj Lo aasiyo wo tum ko wahan par bhi na bhoolay Kata gaya isiyan ka siyaha shab-e-meraj Ae momino muzda ke wo Allah se laye Bakhshaish-e-ummat ka qabala shab-e-meraj Bhejun ga main ummat ko teri khuld mein pehlay Haq ne kiya mehboob se wada shab-e-meraj Us mein se Jamil-e-Razvi ko bhi ata ho Rehmat ka bata khaas jo hissa shab-e-meraj