Paon Woh Aankh Tujh Se Aye Parwardigar Mein – Naat Lyrics in Roman English

Paon woh aankh tujh se aye Parwardigar mein Rota rahoon gham-e-Nabi mein zaar zaar mein Din raat hijr-e-Shah mein aahein bhara karoon Roya karoon firaq mein zaar-o-qataar mein Kehna na Hajj mubarak aye ahl-e-watan mujhe Haaye firaq-e-Taiba se hoon dilfagaar mein Daagh-e-mufaraqat jo mila kaash! ab aisa ho Roya karoon firaq mein zaar-o-qataar mein Seena tapan ata ho milay qalb-e-muztarib Gham mein tumharay kaash! rahoon beqarar mein Dasht-e-haram pe waari mein, qumri chaman pe tu Tu phool le ke Taiba ka leta hoon khaar mein Woh din ab aaye khair se Yarab-e-Mustafa Soo-e-Madina chal paroon phir ashkbaar mein Joon hi mujhe Habib ka jalwa naseeb ho Aye kaash! jaan us ghari kar doon shumaar mein Zuhd-o-wara mein ya Nabi tum be-misaal ho Be-had gunahgar mein isyan shaar mein Gum ho ke ishq-e-Mustafa mein aye Khuda-e-Pak Karta rahoon bayaan sada ashkbaar mein Tableegh-e-deen ke liye dar dar phiroon aye kaash! Talib hoon aisay walwalay ka kirdgar mein Attar nekiyan na theen zaad-e-safar mein kuch Le kar gaya tha dar pe bas ashkon ka baar mein

Search Your Kalam

Paon Woh Aankh Tujh Se Aye Parwardigar Mein – Naat Lyrics in Roman English

More Kalam by Muhammad Ilyas Attar Qadri