Ae kareem ibn-e-kareem ae rehnuma ae muqtada Akhtar-e-burj-e-sakhawat gohar-e-durj-e-ata Aastanay par teray hazir hai yeh tera gada Laaj rakh le dast o daman ki meray behr-e-khuda Rooye rehmat bar matab ae kaam-e-jaan az rooye man Hurmat-e-rooh-e-payambar yak nazar kun sooye man Shah-e-aqleem-e-wilayat sarwar-e-geewan janab Hai tumharay aastanay ki zameen gardoon qibab Hasrat-e-dil ki kashakash se hain lakhon iztirab Iltija maqbool kijay apnay sail ki shitab Rooye rehmat bar matab ae kaam-e-jaan az rooye man Hurmat-e-rooh-e-payambar yak nazar kun sooye man Salik-e-rah-e-Khuda ko rehnuma hai teri zaat Maslak-e-irfan-e-haq mein peshwa hai teri zaat Be-nawayan-e-jahan ka aasra hai teri zaat Tishna kamon ke liye bahr-e-ata hai teri zaat Rooye rehmat bar-matab ae mahe jaan az rooye man Hurmat-e-rooh-e-paighambar yak nazar kun sooye man Har taraf se fauj-e-gham ki hai charhai alghiyas Karti hai pamal ye be-dast-o-pai alghiyas Phir gayi hai shakl-e-qismat sab khudai alghiyas Ae mere faryad-ras teri duhai alghiyas Rooye rehmat bar-matab ae mahe jaan az rooye man Hurmat-e-rooh-e-paighambar yak nazar kun sooye man Nafs-e-amara ke phande mein phansa hoon al-iyaz Dar tera bekas panah kucha tera aalam-e-malaz Reham farma ya malazi lutf farma ya maaz Hazir dar hai ghulam-e-astan behr-e-nawaz Rooye rehmat bar-matab ae mahe jaan az rooye man Hurmat-e-rooh-e-paighambar yak nazar kun sooye man Shehr-e-yara ae zi-waqar ae baagh-e-aalam ki bahar Bahr-e-ehsan rash-ha-e-neesan jood-e-kirdagar Hoon khizan gham ke hathon pamali se do-char Arz karta hoon tere dar par ba-chashm-e-ashk-bar Rooye rehmat bar-matab ae mahe jaan az rooye man Hurmat-e-rooh-e-paighambar yak nazar kun sooye man Bar sar-e-parkhash hai mujh se adu-e-be-tameez Raat din hai dar-paye qalb-e-hazein nafs-e-rajeez Mubtala hai sau balaon mein meri jaan-e-aziz Hall-e-mushkil aap ke aage nahin dushwar cheez Rooye rehmat bar-matab ae mahe jaan az rooye man Hurmat-e-rooh-e-paighambar yak nazar kun sooye man Ek jahan sairab faiz-e-abr hai ab ki baras Tarnawa hain bulbulen parta hai gosh-e-gul mein ras Hai yahan kasht-e-tamanna khushk o zindan-e-qafas Ae sahab-e-rehmat-e-haq sookhe dhanon par baras Rooye rehmat bar-matab ae mahe jaan az rooye man Hurmat-e-rooh-e-paighambar yak nazar kun sooye man Fasl-e-gul aayi aroosan-e-chaman hain sabza posh Shadmani ka nawasanjan-e-gulshan mein hai josh Jo-banon par aa gaya husn-e-bahar-e-gul farosh Haaye ye rang aur mein yun daam mein gum-karda hosh Rooye rehmat bar-matab ae mahe jaan az rooye man Hurmat-e-rooh-e-paighambar yak nazar kun sooye man Munkashif kis par nahin shaan-e-mualla ka urooj Aftab-e-haq numa ho tum ko hai zeba urooj Main haziz-e-gham mein hoon imdad ho shaha urooj Har taraqqi par taraqqi ho barhe duna urooj Rooye rehmat bar-matab ae mahe jaan az rooye man Hurmat-e-rooh-e-paighambar yak nazar kun sooye man Taib ho pamal-e-lashkar-e-afkar-e-rooh Ta-ba-ke tarsan rahe be-munis o ghamkhar-e-rooh Ho chali hai kawish-e-gham se nihayat zaar-e-rooh Talib-e-imdad hai har waqt ae dildar-e-rooh Rooye rehmat bar-matab ae mahe jaan az rooye man Hurmat-e-rooh-e-paighambar yak nazar kun sooye man Dabdaba mein hai falak shaukat tera ae mah-e-kaakh Dekte hain topiyan thame gada o shah-e-kaakh Qasr-e-jannat se fuzoon rakhta hai izz-o-jah-e-kaakh Ab dikha de deedah-e-mushtaq ko lillah kaakh Rooye rehmat bar-matab ae mahe jaan az rooye man Hurmat-e-rooh-e-paighambar yak nazar kun sooye man Badliyan chhayin hawa badli huye shadab bagh Ghunche chatke phool mehke bas gaya dil ka dimagh Aah ae jor-e-qafas dil hai ke mehroomi ka dagh Wah ae lutf-e-saba gul hai tamanna ka charagh Rooye rahmat bar-matab ae kaam-e-jaan azroo-e-man Hurmat-e-rooh-e-payambar yak nazar kun soo-e-man Aasaan hai qaus-e-fikr mein teer-e-mera dil hadaf Nafs-o-shaitan har ghadi kaf par lab-o-khanjar bakaf Muntazir hoon main ke ab aayi sada-e-la takhaf Sarwar-e-deen ka tasadduq bahr-e-sultan-e-najaf Rooye rahmat bar-matab ae kaam-e-jaan azroo-e-man Hurmat-e-rooh-e-payambar yak nazar kun soo-e-man Barh chala hai aaj kal ahbab mein josh-e-nifaq Khush mazagan-e-zamana ho chale hain bad-mazaq Saikdon pardon mein posheeda hai husn-e-ittifaq Bar-sar-e-paikar hain aage jo the ahl-e-wafa Rooye rahmat bar-matab ae kaam-e-jaan azroo-e-man Hurmat-e-rooh-e-payambar yak nazar kun soo-e-man Dar darindon ka andheri raat sehra holnaak Rah-e-na maloom ra'sha paon mein laakhon maghaak Dekh kar abr-e-siyah ko dil hua jata hai chaak Aaiye imdad ko warna hota hoon halaak Rooye rahmat bar-matab ae kaam-e-jaan azroo-e-man Hurmat-e-rooh-e-payambar yak nazar kun soo-e-man