Na kyun araaishein karta khuda duniya kay saamaan mein – Naat Lyrics in Roman English

نہ کیوں آرائشیں کرتا خدا دنیا کے سامان میں

Source collection: Zauq-e-Naat / classical naat collections

Na kyun araaishein karta Khuda duniya kay saamaan mein Tumhein dulha bana kar bheja tha bazm-e-imkaan mein Yeh rangeeni yeh shadabi kahan gulzar-e-Rizwan mein Hazaron jannatein aakar basi hain kooye jaana mein Khizan ka kis tarah ho dakhal jannat kay gulistan mein Baharein bas chuki hain jalwa-e-rangeen-e-jaana mein Tum aaye roshni phaili huwa din khul gayi aankhein Andhera sa andhera chha raha tha bazm-e-imkaan mein Thaka manda woh hai jo paaon apnay tor kar baitha Wohin pahuncha huwa thehra jo pahuncha kooye jaana mein Tumhara kalma parhta uthiye tum par sadqay honay ko Jo paaye paak say thokar laga do jism-e-bejaan mein Ajab andaaz say Mehboob-e-Haq nay jalwa farmaya Suroor aankhon mein aaya jaan dil mein noor-e-imaan mein Fida-e-Khaar-ha-e-Dasht-e-Taiba phool jannat ke Yeh woh kaante hain jin ko khud jagah dein gul-e-rag-e-jaan mein Har ek ki aarzoo hai pehle mujh ko zibah farmayein Tamasha kar rahe hain marne wale eid-e-qurbaan mein Zuhoor-e-Paak se pehle bhi sadqe the Nabi tum par Tumhare naam hi ki roshni thi bazm-e-khooban mein Kaleem aasa na kyun ghash hon un ke dekhne wale Nazar aate hain jalwe Toor ke rukhsaar-e-tabaan mein Hawa badli ghare badal khule gul bulbulein chehkein Tum aaye ya bahar-e-jaan fiza aayi gulistan mein Kisi ko zindagi apni na hoti us qadar meethi Magar dhoondoon tumhare paon ka hai sheera jaan mein Use qismat ne us ke jeete ji jannat mein pohanchaya Jo dam lene ko baitha saya-e-deewar-e-jaanan mein Kya parwanon ko bulbul nirali shama laye tum Gire parte the jo aatish pe woh pohanche gulistan mein Naseem-e-Taiba se bhi shama gul ho jaye lekin yun Ke gulshan phoolen jannat lehla uthe charaghan mein Agar dood-e-charagh-e-bazm-e-Shah chhoo jaye ka jal se Shab-e-qadr-e-tajalli ka ho surma chashm-e-khooban mein Karam farmaye gar bagh-e-Madina ki hawa kuch bhi Gul-e-jannat nikal aayen abhi sarw-e-charaghan mein Chaman kyonkar na mehkein bulbulein kyonkar na aashiq hon Tumhara jalwa rangeen bhara phoolon ne daamaan mein Agar dood-e-charagh-e-bazm-wala mas kare kuch bhi Shamim-e-mushk bas jaye gul-e-shama-e-shabistan mein Yahan ke sangrezon se Hasan kya laal ko nisbat Yeh un ki reh-guzar mein hain woh patthar hain Badakhshan mein

Search Your Kalam

Na kyun araaishein karta khuda duniya kay saamaan mein – Naat Lyrics in Roman English

More Kalam by Allama Hasan Raza Khan