Na ho mayoos deewano jao tum un ko Bulayen ge tumhein bhi ek din Sarwar-e-Madine mein Bulalo hum gareebon ko bula lo Ya Rasoolallah Paye Shabbir-o-Shabbar Fatima Haider Madine mein Khudaya wasta deta hoon mere Ghaus-e-Azam ka Dikha de sabz gumbad ka haseen manzar Madine mein Wasila tujh ko Abu Bakr-o-Umar, Usman-o-Haider ka Ilahi tu ata kar de hamein bhi ghar Madine mein Madine jab mein pohanchun kaash aisa kaif tari ho Ke rote rote gir jaaun mein ghash kha kar Madine mein Niqab-e-rukh ulat jaye tera jalwa nazar aaye Jab aaye kaash! tera sail be-par Madine mein Jo teri deed ho jaye to meri eid ho jaye Gham apna de mujhe eidi mein bulwa kar Madine mein Madine joon hi pohancha ashk jaari ho gaye mere Dam-e-rukhsat bhi roya hichkiyan bhar kar Madine mein Madine ki judai ashiqon par shaq hoti hai Woh rote hain tarap kar hichkiyan bhar kar Madine mein Kahein bhi soz hai duniya ke gulzaron mein baghon mein? Faza pur-kaif hai lo dekh lo aa kar Madine mein Wahan ik saans mil jaye yehi hai zeest ka hasil Woh qismat ka dhani hai jo gaya dam bhar Madine mein Madina Jannat-ul-Firdous se bhi aula-o-aala Rasool-e-Pak ka hai Roza-e-Anwar Madine mein Chalo chaukhat pe un ki rakh ke sar qurban ho jayen Hayat-e-jawdani payen ge markaz Madine mein Madina mera seena ho mera seena Madina ho Madina dil ke andar ho dil-e-muztar Madine mein Mujhe neki ki dawat ke liye rakho jahan bhi kaash! Main khwabon mein pahunchta hi rahoon aksar Madine mein Na daulat de na sarwat de mujhe bas ye sa'adat de Tere qadmon mein mar jaaun main ro ro kar Madine mein Ata kar do ata kar do Baqi-e-Pak mein madfan Meri ban jaaye turbat ya Shahe-Kausar Madine mein Madina is liye Attar jaan-o-dil se hai pyara Ke rehte hain mere Aaqa mere Sarwar Madine mein