Na Aasman Ko Yun Sarkashida Hona Tha – Naat Lyrics in Roman English

Na aasman ko yun sarkashida hona tha Huzoor-e-khak-e-Madina khamida hona tha Agar gulon ko khizan narsida hona tha Kinar-e-khaar-e-Madina damida hona tha Huzoor un ke khilaf-e-adab thi betabi Meri umeed! tujhe aarmida hona tha Nazara khak-e-Madina ka aur teri aankh Na isqadar bhi qamar shokh dida hona tha Kinar-e-khak-e-Madina mein raatein miltin Dil-e-hazein! tujhe ashk-e-chakida hona tha Panah-e-daman-e-dasht-e-haram mein chain aata Na sabr-e-dil ko ghazaal-e-ramida hona tha Yeh kaise khulta ke unke siwa shafee nahi Abas na auron ke aage tapida hona tha Hilaal kaise na banta ke maah-e-kaamil ko Salaam-e-abroo-e-shah mein khameeda hona tha La-amla-anna jahannama tha wa'da azali Na munkiron ka abas bad-aqeeda hona tha Naseem kyon na shameem unki Taiba se laati Ke subh-e-gul ko garebaan dareeda hona tha Tapakta rang-e-junoon ishq-e-shah mein har gul se Rag-e-bahaar ko nashtar raseeda hona tha Baja tha arsh pe khaak-e-mazaar-e-paak ko naaz Ke tujh sa arsh nasheen aa-fareeda hona tha Guzarte jaan se ek shor 'Ya Habeeb' ke saath Fughaan ko naala-e-halq-e-bareeda hona tha Mere kareem gunah zehar hai magar aakhir Koi to shehd-e-shafa'at chashida hona tha Jo sang-e-dar pe jabeen sayon mein tha mitna To meri jaan sharaar-e-jaheeda hona tha Teri qaba ke na kyon neeche neeche daaman hon Ke khaaksaron se yaan kab kasheeda hona tha Raza jo dil ko banana tha jalwa-gaah-e-habeeb To pyaare qaid-e-khudi se raheeda hona tha

Search Your Kalam

Na Aasman Ko Yun Sarkashida Hona Tha – Naat Lyrics in Roman English

More Kalam by Ala Hazrat Imam Ahmad Raza Khan Qadri