Mita De Sari Khataein Meri Mita Ya Rab – Naat Lyrics in Roman English

Mita de sari khataein meri mita Ya Rab Banade nek bana nek de bana Ya Rab Banade mujhko Ilahi khuloos ka paikar Qareeb aaye na mere kabhi riya Ya Rab Andheri qabr ka dil se nahi nikalta darr Karunga kya jo tu naraz ho gaya Ya Rab Gunahgar hoon mein laiq-e-jahannam hoon Karam se baksh de mujhko na de saza Ya Rab Buraiyon pe pashiman hoon reham farma de Hai tere qahar pe hawi teri ata Ya Rab Muheet-e-dil pe hua haye nafs-e-ammara Dimagh par mere ibrees cha gaya Ya Rab Rehai mujhko mile kash! ins-o-shaitan se Tere habib ka deta hoon wasta Ya Rab Gunah be-adad aur jurm bhi la-tadaad Muaf kar de na seh paunga saza Ya Rab Mein kar ke tauba palat kar gunah karta hoon Haqiqi tauba ka kar de sharaf ata Ya Rab Sunoon na fuhsh kalami na ghibat-o-chughli Teri pasand ki baatein faqat suna Ya Rab Karein na tang khayalat-e-bad kabhi, kar de Shaoor-o-fikr ko pakeezgi ata Ya Rab Nahi hai namah-e-Attar mein koi neki Faqat hai teri hi rehmat ka aasra Ya Rab

Search Your Kalam

Mita De Sari Khataein Meri Mita Ya Rab – Naat Lyrics in Roman English

More Kalam by Muhammad Ilyas Attar Qadri