Meraj Nazm Nazr-e-Gada Ba-Huzoor-e-Sultan-ul-Anbiya Alaihi Afzal-us-Salatu-was-Sana Dar Tehniyat-e-Shadi-e-Isra – Naat Lyrics in Roman English

Woh Sarwar-e-Kishwar-e-Risalat jo Arsh par jalwa-gar huye thay Naye nirale tarab ke saamaan Arab ke mehmaan ke liye thay Bahaar hai shaadiyan mubarak chaman ko aabadiyan mubarak Malak falak apni apni lay mein yeh ghar anadil ka bolte thay Wahan falak par yahan zameen mein rachi thi shaadi machi thi dhoomein Udhar se anwaar hanste aate idhar se nafahaat uth rahe thay Yeh chhoot padti thi unke rukh ki ke Arsh tak chandni thi chhatki Woh raat kya jagmaga rahi thi jagah jagah nasab aaye thay Nayi dulhan ki chhoban mein Kaaba sanwar sanwar ke nikhra Hijr ke sadqe kamar ke ek til mein rang lakhon banao ke thay Nazar mein dulha ke pyaare jalwe haya se mehrab sar jhukaye Siyah parde ke munh par aanchal tajalli-e-zaat-e-baht se thay Khushi ke badal umand ke aaye dilon ke taoos rang laye Woh naghma-e-naat ka samaan tha haram ko khud wajd aa rahe thay Yeh jhooma mizan-e-zar ka jhoomar ke aa raha kaan par dhalak kar Phuhar barasi to moti jhad kar Hatim ki god mein bhare thay Dulhan ki khushboo se mast kapde naseem gustakh aanchalon se Ghilaf-e-mushkeen jo ud raha tha ghazal naafe basa rahe thay Pahadiyon ka woh husn-e-taz'een woh unchi choti woh naaz-o-tamkeen Saba se sabza mein lehrein aateen dupatte dhani chune huye thay Naha ke nehron ne woh chamakta libas-e-aab-e-rawan ka pehna Ke maujein chhadiyan thin dhaar pachka habab-e-taban ke thal ke thay Purana pur-daagh malgaja tha utha diya farsh-e-chandni ka Hujoom-e-taar-e-nigah se koson qadam qadam farsh badle thay Ghubar ban kar nisar jayen ab us rah-guzar ko payen Hamare dil hooriyon ki aankhein farishton ke par jahan biche thay Khuda hi de sabr-e-jaan par gham dikhaon kyun kar tujhe woh aalam Jab un ko jhurmat mein le ke qudsi janaan ka dulha bana rahe thay Utaar kar un ke rukh ka sadqa yeh noor ka bat raha tha baada Ke chand sooraj machal machal kar jabeen ki khairaat maangte thay Wahi to ab tak chhalak raha hai wahi to joban tapak raha hai Nahanay mein jo gira tha paani katore taron ne bhar liye thay Bacha jo talwon ka un ke dhowan bana woh jannat ka rang-o-roghan Jinhon ne dulha ki payi utran woh phool gulzar-e-noor ke thay Khabar yeh tehweel-e-mehr ki thi ke rut suhani ghadi phire gi Wahan ki poshak zeb-e-tan ki yahan ka joda badha chuke thay Tajalli-e-haq ka sehra sar par salat-o-tasleem ki nichawar Do-roya qudsi pare jama kar khade salami ke waste thay Jo hum bhi wan hote khak-e-gulshan lipat ke qadmon se lete utran Magar karen kya naseeb mein to yeh namuradi ke din likhe thay Abhi na aaye thay pusht-e-zeen tak ke sar hui maghfirat ki shallak Sada shafa'at ne di mubarak! Gunah mastana jhoomte thay Ajab na tha rukh ka chamakna ghazal-e-dam-khurda sa bhadakna Shuaein bikhar rahi thin tadapte aankhon pe sa'iqe thay Hujoom-e-umeed hai ghatao muradein de kar unhein hatao Adb ki baagein liye barhao malaika mein ye ghulghule thay Uthi jo gard-e-reh-e-munawwar woh noor barsa ke raste bhar Ghire thay badal bhare thay jal thal umand ke jangal ubal rahe thay Sitam kiya kaisi mat kati thi qamar! woh khak un ke reh-guzar ki Utha na laya ke milte milte ye daagh sab dekhta mite thay Buraq ke naqsh-e-sum ke sadqe woh gul khilaye ke saare raste Mehakte gulpan lehakte gulshan hare bhare lehla rahe thay Namaz-e-Aqsa mein tha yahi sir ayan hoon mani-e-awwal-e-akhir Ke dast-e-basta hain peeche hazir jo saltanat aage kar gaye thay Ye un ki aamad ka dabdaba tha nikhar har she ka ho raha tha Nujoom-o-aflak jam-o-meena ujalte thay khangalte thay Naqab ulte woh mehr-e-anwar jalal-e-rukhsar garmiyon par Falak ko haibat se tap chadhi thi tapakte anjum ke aable thay Ye joshish-e-noor ka asar tha ke aab-e-gauhar kamar kamar tha Safa-e-reh se phisal phisal kar sitare qadmon pe laut-te thay Barha ye lehra ke bahr-e-wahdat ke dhal gaya naam-e-reg-e-kasrat Falak ke teelon ki kya haqeeqat ye arsh-o-kursi do bulbule thay Woh zill-e-rehmat woh rukh ke jalwe ke tare chupte na khulne paate Sunheri zarbaft orhi atlas ye than sab dhoop chaon ke thay Chala woh sarv-e-kharaman na ruk saka sidra se bhi daman Palak jhapakti rahi woh kab ke sab ain-o-an se guzar chuke thay Jhalak si ek qudsiyon pe aayi hawa bhi daman ki phir na paayi Sawari dulha ki door pohanchi barat mein hosh hi gaye thay Thake thay rooh-ul-ameen ke bazu chhuta woh daman kahan woh pehlu Rakab chhoti umeed tooti nigah-e-hasrat ke walwale thay Rawish ki garmi ko jis ne socha dimagh se ek bhabhka phoota Khird ke jangal mein phool chamka dehak dehak per jal rahe thay Jalo mein jo murgh-e-aql ure thay ajab bure halon girte parte Woh sidra hi par rahe thay thak kar charha tha dam teyor aa gaye thay Qawi thay murghan-e-waham ke par ure to urne ko aur dam bhar Uthayi seene ki aisi thokar ke khoon-e-andesha thookte thay Suna ye itne mein arsh-e-haq ne ke le mubarak hon taj wale Wahi qadam khair se phir aaye jo pehle taj-e-sharf tare thay Ye sun ke be-khud pukar utha nisar jaon kahan hain Aqa Phir un ke talwon ka bosa ye meri aankhon ke din phire thay Jhuka tha majre ko arsh-e-aala gire thay sajde mein bazm-e-bala Ye aankhein qadmon se mil raha tha woh gard-e-qurban ho rahe thay Ziyayein kuch arsh par ye aaein ke saari qandeilein jhilmilayein Huzoor-e-khursheed kya chamakte chiragh munh apna dekhte thay Yahi saman tha ke paik-e-rehmat ye khabar ye laya ke chaliye hazrat Tumhari khatir kushada hain jo kaleem par band raste thay Barh ae Muhammad qareen ho Ahmad qareeb aa sarwar-e-mumajjad Nisar jaon ye kya nida thi ye kya saman tha ye kya maze thay Tabarak Allah teri tujhi ko zeba hai be-niyazi Kahin to woh josh-e-lan tarani kahin taqazay wisal ke thay Khird se keh do ke sar jhukale guman se guzray guzarne wale Paray hain yan khud jihat ko lale kise bataye kidhar gaye thay Suragh-e-aina-o-mata kahan tha nishan-e-kaif-o-ila kahan tha Na koi rahi na koi sathi na sang-e-manzil na marhalay thay Udhar se paiham taqazay aana idhar tha mushkil qadam barhana Jalal-o-haibat ka samna tha jamal-o-rehmat ubharte thay Barhay to lekin jhujakte dartay haya se jhukte adab se ruktay Jo qurb unhein ki rawish pe rakhte to lakhon manzil ke faslay thay Par un ka barhna to naam ko tha haqiqatan fail tha udhar ka Tanazzulon mein taraqqi afza Dana-o-tadalla ke silsilay thay Hua na akhir ke ek banjara tamawwuj-e-bahr-e-hu mein ubhra Dana ki godi mein un ko le kar na langar utha diye thay Kise milay ghat ka kinara kidhar se guzra kahan utara Bhara jo misl-e-tara-ra woh apni ankhon se khud chupay thay Uthay jo qasr-e-Dana ke parday koi khabar de to kya khabar de Wahan to jahi nahi doi ki na keh ke woh bhi na thay aray thay Woh bagh kuch aisa rang laya ke ghuncha-o-gul ka farq uthaya Girih mein kaliyon ki bagh phoolay gulon ke takkay lagay huay thay Muheet-o-markaz mein farq mushkil rahay na fasil khutoot-e-wasil Kamanen hairat mein sar jhukaye ajeeb chakkar mein dairay thay Hijab uthne mein lakhon parday har ek parday mein lakhon jalway Ajeeb ghari thi ke wasl-o-furqat janam ke bichray galay milay thay Zabani sookhi dikha ke maujain tarap rahi thin ke pani payen Bhanwar ko yeh zu'f-e-tishnagi tha ke halqa ankhon mein par gaye thay Wohi hai awwal wohi hai akhir wohi hai batin wohi hai zahir Usi ke jalway usi se milne usi se us ki taraf gaye thay Kaman-e-imkan ke jhootay nuqto tum awwal akhir ke pher mein ho Muheet ki chaal se to poocho kidhar se aaye kidhar gaye thay Udhar se thay nazr-e-shah-e-namazi udhar se inam-e-khusrawi mein Salam-o-rehmat ke haar gundh kar galo-e-pur-noor mein paray thay Zaban ko intezar-e-guftan to gosh ko hasrat-e-shuneedan Yahan jo kehna tha keh liya tha jo baat sunni thi sun chuke thay Woh burj-e-batha ka mah-e-para bahisht ki sair ko sadhara Chamak pe tha khuld ka sitara ke us qamar ke qadam gaye thay Sarwar-e-muqaddam ki roshni thi ke tabishon se mah-e-arab ki Janan ke gulshan thay jhaar farshi jo phool thay sab kanwal banay thay Tarab ki nazish ke han lachkiye adab woh bandish ke hil na sakay Yeh josh-e-ziddain tha ke poday kashakash-e-arrah ke talay thay Khuda ki qudrat ke chand haq ke karoron manzil mein jalwa kar ke Abhi na taron ki chaon badli ke noor ke tarkay aaliay thay Nabi rehmat shafi-e-ummat! Raza pe rizaye ilah ho inayat Isay bhi un khilaton se hissa jo khas rehmat ke wan batay thay Sana-e-sarkar hai wazifa qabool-e-sarkar hai tamanna Na shairi ki hawas na parwa rawi thi kya kaisay qafiyay thay

Search Your Kalam

Meraj Nazm Nazr-e-Gada Ba-Huzoor-e-Sultan-ul-Anbiya Alaihi Afzal-us-Salatu-was-Sana Dar Tehniyat-e-Shadi-e-Isra – Naat Lyrics in Roman English

More Kalam by Ala Hazrat Imam Ahmad Raza Khan Qadri