Ma'roozah Ba-Bargah-e-Sayyid-ush-Shuhada Imam-ul-Awliya Hazrat Hussain Radi Allahu Anhu – Naat Lyrics in Roman English

Sarw hai jo kate Islam ki khidmat ke liye Aabroo woh jo gaye deen ki azmat ke liye Jo keh hai dil se jigar parah-e-Zehra pe nisar Khuld hai uske liye aur woh jannat ke liye Naau hain Aal-e-Nabi najm hain Ashab-e-Rasool Lillahi-al-Hamd ke hai yeh ummat ke liye Har adna cheez hua karti hai Aala pe nisar Jism hai jaan ke liye jaan hai itrat ke liye Kyon jhuke samne adna ke woh zaat-e-aali Jis ka har naqsh-e-qadam qibla ho ummat ke liye Nonihal-e-chaman-e-Mustafa Murtazavi Jisay qudrat ne chuna zeenat-e-jannat ke liye Jo ke aaghosh-e-Paighambar mein pala phoola tha Karbala mein woh kata deen ki hifazat ke liye Hashmi baagh hua Hashmi khoon se sairab Baagh-e-Zehra kata us baagh ki nazhat ke liye Istiqamat pe fida hain teri aye dast-e-Husain Na gaya haath mein be-deen ke bai'at ke liye Is dogana pe fida saari namazein jis mein Dhaar halqoom pe sar-kham ho ibaadat ke liye Khul gaya is se agar haq pe na hote as-haab Dast-e-Hasnain na barhta kabhi bai'at ke liye Saalik as-haab to noorani hain aur aal hai noor Noor ko noori hi laahiq tha mai'at ke liye

Search Your Kalam

Ma'roozah Ba-Bargah-e-Sayyid-ush-Shuhada Imam-ul-Awliya Hazrat Hussain Radi Allahu Anhu – Naat Lyrics in Roman English

More Kalam by Mufti Ahmad Yar Khan Naeemi