Marooza ba-bargah-e-Ummul Momineen Mehbooba-e-Mehboob-e-Rabb-ul-Aalameen Aisha Siddiqa Razi Allahu Anha – Naat Lyrics in Roman English

Is mubarak maa pe sadqa kyon na hon sab ahl-e-deen Jo ho Ummul Momineen bint-e-Ameer-ul-Momineen Jin ka pehlu ho Nabi ki aakhri aaram-gah Jin ke hujray mein qayamat tak Nabi hon ja-gazein Astaan un ka farishton ki ziyarat-gah hai Kyunke is mein jalwa-farma hain Imam-ul-Mursaleen Aap ke daulat-kadah mein daulat-e-darain hai Is zameen par phir na kyon qurban ho Arsh-e-Bareen Kya mubarak naam hai aur kaisa pyara hai laqab Aisha mehbooba-e-mehboob-e-Rabb-ul-Aalameen Aap Siddiqa pidar Siddiq aur shohar Nabi Meka-o-sasural aala aap khud hain behtareen Kyon na ho rutba tumhara ahl-e-imaan mein bada Sab to hain momin magar hain aap Umm-ul-Momineen Di gawahi aap ki iffat ki Surah-e-Noor ne Madh karta hai teri ismat ki Quran-e-Mubeen Un ke bistar mein aaye Rasool Allah par Aur salam-e-khadmana bhi karein Rooh-ul-Ameen Aap ka ilm-o-fiqh, tehqeeq-e-Quran-o-Hadees Dekh kar hairan hain saare sahaba, tabieen Naaz bardari tumhari kyun na farmade Khuda Nazneen-e-Haq Nabi hain tum Nabi ki nazneen Aayat-e-Tat'heer mein hai un ki paki ka bayaan Hain yeh Bibi Tahira shohar Imam-ut-Tahireen Salik-e-khasta tumhara go hai nalaeq magar Ma'an buray betay ko apnay say juda karti nahin

Search Your Kalam

Marooza ba-bargah-e-Ummul Momineen Mehbooba-e-Mehboob-e-Rabb-ul-Aalameen Aisha Siddiqa Razi Allahu Anha – Naat Lyrics in Roman English

More Kalam by Mufti Ahmad Yar Khan Naeemi