Marooza ba-bargah-e-Shehzadi-e-Konain Umm-e-Hasnain Khatoon-e-Jannat (Radi Allahu Anha) – Naat Lyrics in Roman English

Hai rutba is liye konain mein ismat ka iffat ka Sharaf hasil hai un ko daman-e-Zehra se nisbat ka Jo jana khuld mein ho paye Zehra se lipat jao Jise kehte hain jannat malak hai khatoon-e-jannat ka Nabi ke dil ki rahat aur Ali ke ghar ki zeenat hain Bayan kis se ho un ki pak teenat pak talat ka Inhi ke mah paray do jahan ke laaj wale hain Yeh hi hain majma-e-bahrain sar-e-chashma-e-hidayat ka Rasool-e-Allah ki jeeti jagti tasveer ko dekha Kya nazara jin aankhon ne tafseer-e-nabuwat ka Batool-o-Fatima Zehra laqab is waaste paya Ke duniya mein rahein aur dein pata jannat ki nigat ka Nabi ki ladli, biwi wali ki, maa shaheedon ki Yahan jalwa nabuwat ka wilayat ka shahadat ka Ta'ala Allah us sa'dain ke joray ka kya kehna Ke rehmat ki dulhan Zehra, Ali dulha wilayat ka Woh itrat jo ke ummat ke liye Quran-e-Sani hai Nabi ka hai chaman yani is pak manbat ka Woh chadar jis ka anchal chand suraj ne nahi dekha Banegi hashr mein parda gunahgaran-e-ummat ka Agar Salik bhi ya Rab dawa-e-jannat kare haq hai Jo woh Zehra ki hai yeh bhi toh hai khatoon-e-jannat ka

Search Your Kalam

Marooza ba-bargah-e-Shehzadi-e-Konain Umm-e-Hasnain Khatoon-e-Jannat (Radi Allahu Anha) – Naat Lyrics in Roman English

More Kalam by Mufti Ahmad Yar Khan Naeemi