Maah-e-Rabi-ul-Awwal Aaya – Naat Lyrics in Roman English

Maah-e-Rabi-ul-Awwal aaya Rab ki rehmat saath mein laya Waqt-e-mubarak raat suhani Subah ka tarka hai noorani Peer ka din tareekh hai baarah Farsh pe chamka arshi taara Aaj ki raat baraat rachi hai Amina ke ghar dhoom machi hai Ghar mein hoorein dar pe malak hain Jin ki qatarein taa-ba-falak hain Thandi hawa ka jhonka aaya Shor macha ek Salli Ala ka Lo woh uthi gard-e-sawari Paida huye Mehboob-e-Bari Baagh-e-Khalil ka woh gul-e-zeba Kasht-e-Safi ka nakhl-e-tamanna Rehmat-e-Alam noor-e-mujassam Sallallahu Alaihi Wasallam Tum bhi utho ab waqt-e-adab hai Zikr-e-wiladat-e-Shah-e-Arab hai Takht hai un ka taaj hai un ka Donon jahan mein raaj hai un ka Jin-o-malak hain un ke sipahi Rab ki khudai mein un ki shahi Oonche oonche yahan jhukte hain Saare inhi ka munh takte hain Shah-o-gada hain un ke salami Fakhr hai sab ko un ki ghulami Kaaba ki zeenat inhi ke dam se Taiba ki ronaq un ke qadam se Ka'ba hi kya hai saare jahan mein Dhoom hai un ki kaun-o-makaan mein Amina bi ko la'l mubarak Dai Haleema ko baal mubarak Tum ko Khaleelullah mubarak Tum ko Zabeehullah mubarak Dan karo kuch jashn hai bhaari Dar pe khade hain saare bhikari Dar pe hain hazir apne paraye Aap ke dam se aas lagaye Ham to purane kameen hain dar ke Naam likhe hain pidar madar ke Chashm-e-karam lillah idhar ho Salik-e-khasta par bhi nazar ho

Search Your Kalam

Maah-e-Rabi-ul-Awwal Aaya – Naat Lyrics in Roman English

More Kalam by Mufti Ahmad Yar Khan Naeemi