Kyun barhween pe hai sabhi ko pyar aa gaya – Naat Lyrics in Roman English

Kyun barhween pe hai sabhi ko pyar aa gaya Aaya isi din Ahmad-e-Mukhtar aa gaya Ghar Amina ke Sayyid-e-Abrar aa gaya Khushiyan manao ghamzada ghamkhwar aa gaya Jis waqt koi marhala dushwar aa gaya Us waqt kaam Sayyid-e-Abrar aa gaya Barsein ghataein rahmaton ki jhoom jhoom kar Rahmat sarapa jab mera sardar aa gaya Arsa judai ka hua ab to bulaiye Phir kaash! ro ro kar kahun Sarkar! aa gaya Aunga jab Madine to ro kar kahunga mein Bhaga hua yeh tera gunahgar aa gaya Bar-e-gunah sar pe hai aankhon mein ashk hain Bakhshish ki aas le ke gunahgar aa gaya Mujh ko shifa do yani marz-e-gunah se Dar par tumhare isyan ka bimar aa gaya Bimar apne ishq ka mujh ko banaiye Yeh arz le ke dar pe Sarkar aa gaya Kasa liye umeed ka Sultan-e-do jahan Dar par tumhara talib-e-deedar aa gaya Khali na lota koi bhi darbar se kabhi Sultan aaya ya koi nadar aa gaya Sarkar! mujh ko sharbat-e-deedar ho ata Ab dam labon pe ya shahe abrar aa gaya Ghous-o-Raza ka wasta hum ko bulaiye Aakar khushi se sab kahein darbar aa gaya Jootay utar lo chalo ba-adab ba-adab Dekho Madine ka haseen gulzar aa gaya Ab sar jhukaye zairo! parhte hue durood Aage barho lo dekh lo darbar aa gaya Ishq-e-Nabi mein ashk karo pesh zairo! Darbar-e-aali manba-e-anwar aa gaya Aage barho ae asio qadmon mein ja paro Woh be-kason ka yawar-o-ghamkhwar aa gaya Ab muskurate aaiye soye gunahgar Aaqa andheri qabr mein Attar aa gaya Attar ko jo dekha utha hashr mein yeh shor Dekho ghulam-e-Sayyid-e-Abrar aa gaya

Search Your Kalam

Kyun barhween pe hai sabhi ko pyar aa gaya – Naat Lyrics in Roman English

More Kalam by Muhammad Ilyas Attar Qadri