Khusha Jhoomta Ja Raha Hai Safina – Naat Lyrics in Roman English

Khusha jhoomta ja raha hai safina, pohanch jayenge insha Allah Madina Ab aaya ke ab aaya Jeddah ka sahil, ab aayega Makka chalenge Madina Main Makke mein ja kar karoon ga tawaf aur, naseeb aab-e-zam zam mujhe hoga peena Khudaya Madina aaye joon hi, tadap kar karoon de de aisa qareena Na kyon meri qismat pe rashk aaye mujh ko, kahan woh Madina kahan main kameena Rahe wird-e-lab kaash! har dam Ilahi, Madina! Madina! Madina! Madina Nazar noor ki noor-e-Rabb-ul-Ala ho, mere dil ka chamka do mela nageena Karam kijiye Aaqa dabayein na mujh ko, kabhi nafs-o-shaitan ae Shah-e-Madina Bacha lijiye mujh ko fashion se Aaqa, ata kijiye sunnaton ka khazeena Pila do mujhe saqiya! jaam aisa, rahoon mast-o-be-khud main Shah-e-Madina Tere ishq mein kaash! rota rahoon main, rahe teri ulfat se mamoor seena Tu likh de Ilahi! muqaddar mein mere, Madine mein marna Madine mein jeena Yeh tasleem, umda hai khushboo-e-jannat, mujhe kaash mil jaye unka paseena Mareez-e-mohabbat ka dam hai labon par, sarhane ab aa jao Shah-e-Madina Baqi mubarak mein do gaz zameen do, khudara karam Tajdar-e-Madina Nahin rote ushaq dunya ki khatir, rulati hai unko to yaad-e-Madina Nigahon mein har dam Madina basa ho, mujhe kaash mil jaye woh chashm-e-beena Tadapte hain deewane tere jahan mein, jab aata hai Hajj ka mahina Taraste hain jo deed-e-Taiba ki khatir, dikha dijiye na unhein bhi Madina Pila do hamain jaam-e-deedar-e-Saqi! karam tishna-kaamon pe Shah-e-Madina Bi-izn-e-Ilahi teri sab khudai, hai maikhana tera jara jaam-o-meena Tumhein ae muballigh! hamari dua hai, kiye jao tay tum taraqqi ka zeena Tadap uthe Aaqa ke deewane Attar, Madine ki janib chala jab safina

Search Your Kalam

Khusha Jhoomta Ja Raha Hai Safina – Naat Lyrics in Roman English

More Kalam by Muhammad Ilyas Attar Qadri