Khubiyan kis se tumhari shan o azmat Ya Rasul – Naat Lyrics in Roman English

Khubiyan kis se tumhari shan o azmat Ya Rasul Jab tumhari khud Khuda karta hai midhat Ya Rasul Jab bhi aata hai tera yaum-e-wiladat Ya Rasul Khoob hoti hai muyassar dil ko rahat Ya Rasul Arsh par bhi saltanat hai farsh par bhi saltanat Donon aalam par tumhari hai hukumat Ya Rasul Daulat-e-duniya ke peeche mara mara kyon phirun! Aap hi hain meri daulat aur sarwat Ya Rasul Jo tadapte hain Madine ke liye Aqa unhein Kaash! Ho jaye Madine ki ziyarat Ya Rasul Lahza lahza badh rahi hain haye! Nafirmaniyan Aur gunahon ki nahin jati hai aadat Ya Rasul Kaash! Hansne ke bajaye mujh ko rona ho naseeb Aankh se behte rahe ashk-e-mohabbat Ya Rasul Nekiyon mein Ya Rasul Allah dil lag jaye kaash! Aur gunahon se mujhe ho jaye nafrat Ya Rasul Ya Nabi! Be-kaar baaton ki ho aadat mujh se door Bas Durood-e-Pak ki ho khoob kasrat Ya Rasul Aamna ke laal! Mujh ko dijiye soz-e-Bilal Maal duniya se mujhe ho jaye nafrat Ya Rasul Rehmat-e-aalam sarhane muskurate aaye Jaan-e-balab hun aagaya ab waqt-e-rihlat Ya Rasul Aap ke qadmon mein gir jaunga farto-e-shauq se Qabr mein hogi mujhe jis dam ziyarat Ya Rasul Nar-e-dozakh mein gira hi chahta tha main nisar Apni rehmat se ata farmayi jannat Ya Rasul Ya Shah-e-Abrar! De do khuld mein apna jiwar Az paye Ghous-ul-Wara ho chashm-e-rehmat Ya Rasul Nekiyan bilkul nahin hain nama-e-aamal mein Kijiye Attar ki aakar shafa'at Ya Rasul

Search Your Kalam

Khubiyan kis se tumhari shan o azmat Ya Rasul – Naat Lyrics in Roman English

More Kalam by Muhammad Ilyas Attar Qadri