Khawand-e-jahan jab khud hai pyara teri surat ka – Naat Lyrics in Roman English

Khawand-e-jahan jab khud hai pyara teri surat ka To aalam kyun na ho banda teray husn-o-malahat ka Sharaf hasil hua Sarkar tum se jis ko bai'at ka Ussay muzda mila Haq se dukhool-e-qasr-e-jannat ka Jo khaali haath aatay hain muradein le ke jatay hain Tumharay dar pe ek mela laga hai ahl-e-hajat ka Jo haath utha hua hai saari khilqat ka teri janib Batata hai ke tu Qasim hai Rabb ki jumla naimat ka Zameen se arsh tak goonjay do aalam par gayi halchal Baja Kaaba mein naqara jo Sultan-e-Risalat ka Kahein sehra mein mauj aayi kahein darya mein gard uthi Kahein but hogaye oundhay ajab aalam tha shaukat ka Buton ko poojnay walay banay dam mein Khuda walay Zaban-e-paak se jis dam suna da'wa-e-nabuwwat ka

Search Your Kalam

Khawand-e-jahan jab khud hai pyara teri surat ka – Naat Lyrics in Roman English

More Kalam by Maulana Muhammad Jamil-ur-Rehman Razvi