Kash! Dasht-e-Tayyaba mein mein bhatak ke mar jata – Naat Lyrics in Roman English

Kash! dasht-e-Tayyaba mein, mein bhatak ke mar jata Phir Baqi-e-Gharqad mein dafn koi kar jata Kash! jaanib-e-Tayyaba aah! yun agar jata Chaak chaak mein le kar seena-o-jigar jata Kash! gunbad-e-Khizra par nigah padte hi Kha ke ghash mein gir jata phir tadap ke mar jata Zahideen-e-dunya bhi rashk karte aasi par Mustafa ke qadmon mein dafn ho agar jata Ya Nabi rehmat yeh mere dil ki hasrat hai Khaak ban ke Tayyaba ki kash! mein bikhar jata Kash! aisa mil jata ishq naam sunte hi Ankh bhi umand aati dil bhi gham se bhar jata Dil se ulfat-e-dunya bil-yaqeen nikal jaati Khaar-e-un ke sehra ka dil mein gir utar jata Jazba-e-Ghazali do walwala Balali do Kash murshadi jaisa mil tapaan jigar jata Za'ir-e-Madeena tu chal raha hai hans hans kar Kash! le ke muztar qalb aur chashm-e-tar jata Be-dharak Madeene mein dakhila hua tera Kash! paon ke badle sar ke bal agar jata Rotay rotay mar jata waqt-e-rukhsat-e-Tayyaba Kash! mein Madeene se laut kar na ghar jata Kash! furqat-e-Tayyaba se mein rehta ranjeeda Har khushi ka lamha bhi rotay hi guzar jata Kaam mera ban jata jo teri nazar hoti Mera dooba beda ya Nabi ubhar jata Laazmi hai har surat chodna gunahon ka Bhai maut se pehle kash! tu sudhar jata Ghair ke tu fashion ko chod de mere bhai Un ki sunnatein apna kyon hai dar-badar jata Be-adad ghulam-e-Aaqa Khuld ja rahe hain kash! Mein bhi saath un ke ya Shah-e-Bahr-o-Bar jata Ya Khuda! muballigh mein sunnaton ka hota kash! Tere deen ki khidmat kuch jahan mein kar jata Un ka aa gaya Attar un ka aa gaya Attar Shor tha yeh har janib hashr mein jidhar jata

Search Your Kalam

Kash! Dasht-e-Tayyaba mein mein bhatak ke mar jata – Naat Lyrics in Roman English

More Kalam by Muhammad Ilyas Attar Qadri