Karoon Dam-ba-dam Main Sana-e-Madina – Naat Lyrics in Roman English

Karoon dam-ba-dam main sana-e-Madina, lagata rahe dil sada-e-Madina Khuda ki qasam! pyari pyari hai jannat, magar aashiqon ko rulaye Madina Jahan ke nazare hon aankhon se oojhal, nazar mein meri bas samaye Madina Khila de kali mere murjhaye dil ki, khudara tu aa kar hawa-e-Madina Jise chahiye donon aalam ki daulat, woh kashkol le kar ke aaye Madina Inayat se Allah ki rehmaton ka, shab-o-roz darya bahaye Madina Paye peer-o-murshid tu farma de roshan, mera qalb-e-teera ziya-e-Madina Shafaat ki khairat ka jo hai talib, baraye ziyarat woh aaye Madina Na de ya Ilahi! mujhe takht-e-shahi, bana de mujhe bas gada-e-Madina Shab-o-roz jalwe hain maah-e-Arab ke, na kyon raat din jagmagaye Madina Tujhe wasta Ghous-o-Ahmed Raza ka, ata kar Ilahi faza-e-Madina Baqi mubarak mein madfan ata ho, karam kar khudaya baraye Madina Meri khaak jis dam ude ya Ilahi, use kaash udaye hawa-e-Madina Parosi bana mujh ko jannat mein unka, Khuda-e-Muhammad baraye Madina Laga fajr mein bhai ghar ghar pe ja kar, zara dil laga kar 'sada-e-Madina' Jo de roz do 'dars-e-faizan-e-sunnat', main deta hoon usko dua-e-Madina Safar jo kare qafilon mein musalsal, main deta hoon usko dua-e-Madina Jo paband hai ijtimaat ka bhi, main deta hoon usko dua-e-Madina Jo neki ki dawat ki dhoomein machaye, main deta hoon usko dua-e-Madina Zaban par jo 'qufl-e-Madina' lagaye, main deta hoon usko dua-e-Madina Jo aankhon pe qufl-e-Madina lagaye, main deta hoon usko dua-e-Madina Jo deewane furqat mein rote hain Aaqa, dikha do unhein ab faza-e-Madina De soz-e-jigar chashm-e-tar qalb-e-muztar, mujhe ya Ilahi baraye Madina Yeh Attar makke se zinda salamat, tadapta hua kaash aaye Madina

Search Your Kalam

Karoon Dam-ba-dam Main Sana-e-Madina – Naat Lyrics in Roman English

More Kalam by Muhammad Ilyas Attar Qadri