Jo Nabi ki yaad mein kho gaya, woh Khuda-e-Pak ka hogaya – Naat Lyrics in Roman English

Jo Nabi ki yaad mein kho gaya, woh Khuda-e-Pak ka hogaya Do-jahan uske sanwar gaye, use aakhirat mein khushi rahi Mujhe ya Nabi! teri deed ho, teri deed ho meri eid ho Tujhe jisne dekha hazar baar! use phir bhi tashna labi rahi Na pasand aayein use chaman, na hi khet bhayein hare bhare Jo nigah mein hai basi rahi, toh Madine hi ki gali rahi Mujhe ab Madine mein lo bula, isi saal hajj bhi karoon shaha Ho karam paye Shah-e-Karbala, yehi iltaja Madani rahi Meri jaan ho jism se jab juda, ho nazar mein jalwa-e-Mustafa Ho Madine mein mera khatima, yeh dua Khuda-e-Ghani rahi Madani! gunah ki aadatein, nahi jaati, aap hi kuch karein Main ne koshishein keen bohat magar, meri halat-e-aah! buri rahi Mujhe shauq deen shab-o-roz de, yehi walwala yehi soz de Teri sunnatein karoon aam mein, keh isi mein teri khushi rahi Tu sag-e-Madina ko ya Khuda, gham-e-rozgar se le bacha De gham-e-Madina paye Raza, yehi dua-e-dili rahi

Search Your Kalam

Jo Nabi ki yaad mein kho gaya, woh Khuda-e-Pak ka hogaya – Naat Lyrics in Roman English

More Kalam by Muhammad Ilyas Attar Qadri