Jis ko chaha meethey Madeenay ka us ko mehman kiya – Naat Lyrics in Roman English

Jis ko chaha meethey Madeenay ka us ko mehman kiya Jis par nazar-e-karam farmai us par yeh ehsan kiya Talib-e-dunya ne to talab-e-London hai kiya Japan kiya Deewanon ne Haq se talab-e-Taiba ka registan kiya Jin ka sitara chamka un ko Taiba ka paigham mila Bakhtawaron ne dar par aa kar bakhshish ka saman kiya Shukr ada ho kyonkar tera pyaray Nabi ki ummat mein Mujh se nikammay ko bhi paida tu ne aye Rehman kiya Shah-e-Madeena deen ki daulat apni ulfat bhi di aur Apni ghulami mujh ko ata ki tu ne bada ehsan kiya Dor-e-jahalat tha har su jab kufr ki zulmat chhayi thi Tum ne haiwanon jaisay logon ko bhi insaan kiya Haq ki rah mein patthar khaye khoon mein nahaye Taif mein Deen ka kitni mehnat se kaam aap ne aye Sultan kiya Jaan ke dushman khoon ke pyason ko bhi shahr-e-Makkah mein Aam maafi tum ne ata ki kitna bada ehsan kiya Rona museebat ka mat ro to pyaray Nabi ke deewanay Karb-o-bala walay shahzadon par bhi tu ne dhyan kiya Pyaray muballigh! mamooli si mushkil par ghabrata hai Dekh Hussain ne deen ki khatir sara ghar qurban kiya Woh dunya ki rangeeni mein khoya raha barbad hua Jis ne ishq-e-Nabi se dil ko khaali aur weeran kiya Shah ko yeh mairaj ki shab kitna ooncha aizaz mila Aap ne to chashman-e-sar se deedar-e-Rehman kiya Aah! muqaddar arsa hua Attar Madeenay ja na saka Haye! isay halat ne jakra yun khoon-e-arman kiya

Search Your Kalam

Jis ko chaha meethey Madeenay ka us ko mehman kiya – Naat Lyrics in Roman English

More Kalam by Muhammad Ilyas Attar Qadri