Dars-e-Nizami se farigh hone walon ke liye 25 ash'aar – Naat Lyrics in Roman English

درسِ نظامی سے فارغ ہونے والوں کیلئے 25 اشعار

Source collection: Wasail-e-Bakhshish

Marhaba Saqib ke sar par kiya dastar hai Hai karam Allah ka aur rahmat-e-Sarkar hai Tahniyat-e-dastar bandi ki karo bhai qabul Pesh karta hoon tumhein main tuhfatan kuch madani phool Garche dastar-e-fazeelat ko hai tum ne pa liya Bargah-e-Haq mein bhai! kya khabar hai haal kya Ilm jo paya hai tum ne umr bhar baqi rakho! Tum padhate bhi raho ta bhool jane se bacho Jo bhula de ilm kyon kar woh bhala aalim raha Go sanad hai paas lekin naam ka aalim raha Ala Hazrat ke na maslak ko kabhi bhi chhodna Un ke a'da se na hargiz koi rishta jodna Salb-e-iman pursish-e-qabr-o-qayamat se daro Ilm ko kafi na samjho nekiyan karte raho Ilm-e-deen se ho faqat maqsood Maula ki raza Door rehna bhai nazranon ke lalach se sada Sunni aalim ki sada tajheel se bachte raho Be-sabab taghleet aur tanqeed bhi tum mat karo Dekhna mat tum haqarat se kisi un-padh ko bhi Kya khabar pesh-e-Khuda maqbool banda ho wuhi Ilm par aane lage tujh ko takabbur bhai gar Dars-e-hasil bad-naseeb Ibn-e-Siqah jaison se kar Qahqahe aur yawa-goi mein tera nuqsan hai Be-zarurat bolne wala bada nadan hai Bhagte hain sun le bad-akhlaq insaan se sabhi Muskura kar sab se milna dil se karna aajizi Bhaiyo! har dam bacho tum hubb-e-jah-o-maal se Har ghadi chaukas raho Shaitan ki is chaal se Maaldaron ki khushamad mein halakat hai badi Tu gunahon mein pade ga aayegi shamat teri Kaan dhar ke sun! na banna tu harees-e-maal-o-zar! Kar qana'at ikhtiyar ae bhai thode rizq par Dil mein ye khwahish na rakhna sab karein mera adab Dar kahin naraz ho jaye na tujh se tera Rabb Qalb mein khauf-e-Khuda rakh kar tu sare kaam kar Kamyabi hogi teri Insha Allah har dagar Dil ko ishq-e-Mustafa se bhai tu abad kar Tujh pe hogi Sarwar-e-Konain ki meethi nazar Khoob khidmat sunnaton ki raat din karte raho Tum risala Madani Inamat ka bharte raho Jaiye neki ki dawat dijiye ja ja ke ghar Kijiye har mah Madani qafilon mein bhi safar Tu kamar basta reh kar khidmat-e-Islam par Rah-e-Maula mein jo aafat aaye is pe sabr kar Maliki ho Hambali ho Hanafi ho ya Shaf'i Mat ta'assub rakhna aur karna na un se dushmani Sare Sunni aalimon se tu bana kar rakh sada Kar adab har ek ka, hona na tu un se juda Mujh ko ae Attar Sunni aalimon se pyar hai Insha Allah do-jahan mein mera beda paar hai

Search Your Kalam

Dars-e-Nizami se farigh hone walon ke liye 25 ash'aar – Naat Lyrics in Roman English

More Kalam by Muhammad Ilyas Attar Qadri